تلاوت قرآن میں فساد معنی نماز کے لیے مفسد ہے اگر چہ تین آیت کے بعد ہو

مکرمی مفتی صاحب قبلہ السلام علیکم ورحمۃ اللہ وبرکاتہ

گزشتہ جمعہ کو امام صاحب نے پہلی رکعت میں سورہ فاتحہ کے بعد سورہ بقر کی آیات "یٰۤاَیُّهَا الَّذِیْنَ اٰمَنُوا اسْتَعِیْنُوْا بِالصَّبْرِ وَ الصَّلٰوةِ" سے "الَّذِیْنَ اِذَاۤ اَصَابَتْهُمْ مُّصِیْبَةٌ" تلاوت فرمائیں اس کے بعد "قَالُوْۤا اِنَّ عَلَيْهِم عَذَابٌ عَظِیْم" پڑھ کر فورا رکوع کر دیا۔ اور کسی مقتدی کو لقمہ دے کر آیت درست کرنے کا موقع نہ مل سکا۔ نماز کے بعد اختلاف پیدا ہوا۔ کچھ مقتدی کہتے ہیں کہ غلط پڑھنے کی وجہ سے معنی بالکل بدل گئے ہیں اس لیے نماز فاسد ہوگئی ، اعادہ کرنا چاہیے۔ کچھ مقتدی کہتے ہیں کہ تین آیات صحیح پڑھی گئیں اس کے بعد غلط پڑھا گیا اس لیے نماز ہو گئی اعادہ کی ضرورت نہیں ۔ امام صاحب نے نماز دہرائی نہیں ۔ دریافت طلب امر یہ ہے کہ مذکورہ صورت میں نماز ہوئی یا نہیں؟ نماز فاسد ہو جانے کی صورت میں اب اس کی ادائیگی کی شکل کیا ہو گی ؟ مفصل جواب مرحمت فرما کر مشکور فرمائیں۔ جوابی خط مرسل ہے۔ بینوا توجروا۔ والسلام