ضاد کو قصد داظاء پڑھنا کفر اور بلا قصد ہو تو نا جائز ہے

الجواب بعون الملك الوهـــاب

ضاد اور ظاء میں مباینت ذاتی ہے جیسا کہ حضرت صدر الافاضل سید مولانا نعیم الدین مراد آبادی صاحب قبلہ علیہ الرحمۃ نے خزائن العرفان میں فرمایا ہے (کنزالایمان مع خزائن العرفان، سورۃ الفاتحه : 7، ص 3 ) ۔ لہذا ضاد کو قصداً ظاء پڑھنے سے بعض جگہ پر نماز فاسد ہو جائے گی جیسے کسی نے ”مغضوب“ کو ”مغظوب“ پڑھا نماز فاسد ہوگئی ۔ سیدنا اعلیٰ حضرت مجدد دین و ملت امام احمد رضا خان فاضل بریلوی رضی اللہ تعالیٰ عنہ فتاوی رضویہ میں فرماتے ہیں: " ض، ظ، ذ، ز معجمات سب حروف متباینہ متغائرہ ہیں ان میں کسی دوسرے سے تلاوت قرآن میں قصداً بدلنا اس کی جگہ اسے پڑھنا نماز میں ہو یا بیرون نماز حرام قطعی و گناه کبیره وافتر اعلی اللہ اور تحریف کتاب کریم ہے ۔"  ایک سطر بعد فرماتے ہیں: امام اجل ابوبکر محمد بن الفضل فضلی و امام برہان الدین صاحب زخیره و علامہ علی قاری مکی رحمۃ اللہ علیہم اجمعین تصریح فرماتے ہیں: قصداً ضاد کی جگہ ظاء پڑھے کافر ہے۔ " سئل الامام الفضلى عمن يقرأ بظاء المعجمة مكان الضاد المعجمة ردا على العكس فقال لا تجوز امامته ولو تعمد یکفر"  یعنی امام فضلی سے سوال کیا گیا کہ جو شخص ضاد کی جگہ ظاء یا ظاء کی جگہ ضاد پڑھے تو کیا حکم ہے؟ جواب دیا اس کی امامت جائز نہیں اور قصداً پڑھے تو کفر ہے۔ ہاں ضاد وظاء قدرے مشبہ الصوت ہیں جس کا امتیاز عام لوگوں کے لیے دشوار ہے۔ عموماً جو ہندوستانی ظاء ادا کرتے ہیں وہ ذمفخم ہے "( الفتاوى الرضويه مخرجه ج:2، ص: 261 تا264)۔ جیسا کہ فتاوی رضویہ میں مذکور ہے۔

والله اعلم باالصواب و رسوله صلى الله عليه وسلم