دیہات میں جمعہ کا حکم

الجواب بعون الملك الوهــــــــــاب

جمعہ کے لیے مصر یا فنائے مصر شرط ہے، دیہاتوں میں جمعہ فرض نہیں بلکہ دیہات والوں پر ظہر ہے۔ لقولہ علیہ السلام : لَا جُمُعَةَ، وَلَا تَشْرِيقَ، وَلَا صَلَاةَ فِطْرٍ وَلَا أَضْحَى، إِلَّا فِي مِصْرٍ جَامِعٍ، أَوْ مَدِينَةٍ عَظِيمَةٍ (مصنف ابن أبي شيبة ، ج:1، ص: 439،  کتاب الصلاة، کتاب الجمعة، باب من قال: لا جمعة، ولا تشريق إلا في مصر جامع، الحديث :5059، دار التاج ) مصر ہر وہ جگہ ہے جہاں ایسا حاکم با وقار رہتا ہو جو ظالم سے مظلوم کا بدلہ لے سکے۔ اور یہ تعریف ہمارے ملک میں صرف ضلع یا تحصیل پر صادق آتی ہے۔ فنائے مصر ہر وہ جگہ ہے جو شہر کی مصلحتوں کے لیے رکھی گئی ہو جیسے عید گاہ ، گھوڑ دوڑ کا میدان وغیرہ۔

 وہ دیہات جہاں جمعہ قائم ہوا سے منع نہ کیا جائے کہ وہ نام الہی لیتے ہیں، ہاں جمعہ کے بعد ظہر کا فرض ضرور پڑھ لینا چاہیے۔ لیکن جہاں قائم نہ ہو وہاں قائم نہیں کر سکتے ۔ کہ دیہات میں جمعہ فرض نہیں۔ لہذا جہاں پہلے قائم ہو چکا تھا وہیں باقی رکھیں نئی جگہ قائم نہیں کر سکتے۔

(1) انصاف پور میں پہلے جمعہ قائم ہوا  لہذا یہاں جمعہ پڑھنے والے پر تفریق جماعت کا الزام عائد نہیں ہو سکتا۔

(۲) درست نہیں۔

(۳) تفریق جماعت بلا وجہ شرعی کو تفریق دینی کہا جائے گا۔

والله اعلم باالصواب و رسوله صلى الله عليه وسلم