شہر میں نماز عید سے پہلے قربانی جائز نہیں اور دیہات میں جائز ہے

نماز عید سے پہلے شہر میں قربانی جائز نہیں، یہ حدیث سے ثابت ہے ، بخاری و مسلم میں ہے کہ رسول اللہ نے فرمایا : مَنْ ذَبَحَ قَبْلَ أَنْ يُصَلِّي فَلْيَذْبَحْ أُخْرَى مَكَانَهَا.(صحيح البخاری، ص: ١٣٤ ، كتاب العيدين / باب كلام الإمام والناس، مجلس البركات، مبارك فور)

جس نے نماز سے پہلے قربانی کی وہ نماز کے بعد اس کی جگہ دوسری قربانی کرے۔ زید اس کو غلط بتا رہا ہے یہ بہت بڑی اسکی بے باکی اور جراءت ہے ، وہ بے علم ہے اور صحیح فتویٰ کے خلاف فتوی دے رہا ہے، یہ بہت بڑا جرم ہے حدیث میں فرمایا: من أفتى بغير علم لعنته ملائكة السماء والأرض. (الجامع الصغير، ج: ۲، ص: ۲۷۲ )  جو بے علم فتوی دے اس پر آسمان و زمین کے فرشتے لعنت کرتے ہیں۔ زید پر تو بہ فرض ہے۔ واللہ تعالی اعلم