مختلف شہروں میں رویتِ ہلال کا فرق اور قربانی کا شرعی حکم

(1)زید کی قربانی نہیں ہوئی۔ واللہ تعالی اعلم

(2)اس مذبوح جانور کا گوشت اغنیا بھی کھا سکتے ہیں۔ یہ قربت نہیں ہوئی، یہ ایسے ہی ہوئی جیسے کوئی گوشت کھانے کے لیے بکری ذبح کرے پھر آپ نے ایک بہت ہی مہمل جملہ لکھا ہے قربت میں خلل کی صورت میں گوشت صدقہ کر دینا چاہیے ، اس کا کوئی مطلب ہی نہیں بنتا ہے ، ایسی مہمل بات کتب فقہ میں کیوں کر ہو سکتی ہے۔ واللہ تعالی اعلم

(3)اگر اس جگہ جہاں اس نے نماز پڑھی ہے ۲۹ /کی رویت کا ثبوت مل گیا تھا تو زید کی نماز صحیح ہوگئی اور زید پر عیدین کی نماز کے ترک کا وبال نہیں البتہ اس پر اگر قربانی واجب تھی تو اس پر ترک واجب کا وبال ہے، کہ اس نے قربانی چھوڑ دی اب اس پر واجب ہے کہ زندہ جانور صدقہ کرے اور جہاں زید نے نماز پڑھی وہاں امسال کے ذی الحجہ کی رویت ۲۹ کا شرعی ثبوت نہیں ملا تھا تو اس کی نماز عید الاضحیٰ بھی نہیں ہوئی، اب اس پر دو واجب کے ترک کا وبال رہا۔ واللہ تعالی اعلم