نماز میں پاؤں کے درمیان فاصلہ رکھنا اور پیر سے پیر ملانے کا حکم

بِسْمِ اللّٰهِ الرَّحْمٰنِ الرَّحِیْمِ

 حالت نماز میں دونوں پاؤں کے درمیان چار انگل کا فاصلہ رکھنا مسنون ہے۔

مراقی الفلاح میں ہے : يسن «تفريج القدمين في القيام قدر أربع أصابع» (مراقي الفلاح شرح نور الإيضاح – الشرنبلالي (٩٨)

نیز اس طرح کھڑا ہونا ادب اور خشوع و خضوع کے زیادہ قریب ہے ، ردالمحتار میں ہے: وَيَنْبَغِي أَنْ يَكُونَ بَيْنَهُمَا مِقْدَارُ أَرْبَعِ أَصَابِعِ الْيَدِ لِأَنَّهُ أَقْرَبُ إلَى الْخُشُوعِ، هَكَذَا رُوِيَ عَنْ أَبِي نَصْرٍ الدَّبُوسِيِّ إنَّهُ كَانَ يَفْعَلُهُ كَذَا فِي الْكُبْرَى (حاشية ابن عابدين = رد المحتار ط الحلبي – ابن عابدين (١ ‏/ ٤٤٤)

 جس عالم نے یہ مسئلہ بتایا کہ ایک دوسرے کے پیر سے پر ملا کر کھڑے ہوں اور  حدیث کا غلط مفہوم بتایا وہ وہابی غیر مقلد ہے، اس کے مذہب کی بنیاد اسلام کے خلاف ایک نئے مذہب پر ہے جس میں بہت سے کفری عقائد پائے جاتے ہیں اس لیے اس کے پیروکار کافر اسلام سے خارج ہیں۔ مسلمانوں پر لازم ہے کہ ایسے لوگوں کے بتائے ہوئے مسئلہ پر کان نہ دھریں، ان کے پیچھے نماز نہ پڑھیں کہ ان کی نماز باطل ہے، ان سے دور و نفور رہیں ۔

اس غیر مقلد عالم نے" الزاق المنكب بالمنكب والقدم بالقدم"کا جو معنی بیان کیا کہ پیر سے پیر ملا کر یعنی دونوں ٹانگوں کو پھیلا کر کھڑے ہوں یہ امت کے تعامل کے بالکل خلاف ہے، پوری امت نے " الزاق المنكب بالمنكب والقدم بالقدم " کے یہ معنی مراد لیے ہیں کہ صفوں میں ایک دوسرے سے خوب مل کر کھڑے ہوں اور یہ اتصال صفوف میں مبالغہ پر محمول ہے۔ انسان کی ساخت ایسی ہے کہ مونڈھا سے مونڈ ھاملانے کے بعد پاؤں سے پاؤں ملانے میں کافی وقت و دشواری پیدا ہوگی اور کھڑے ہونے کی ہیئت بھی بھونڈی ہو جائے گی، وقت و دشواری کی وجہ سے خشوع و خضوع میں خلل واقع ہوگا۔ کوئی بھی غیر مقلد ایسی حدیث نہیں پیش کر سکتا جس میں نبی کریم صلی اللہ علیہ وسلم نے قدم سے قدم ملانے کا حکم دیا ہو اور اس حدیث میں جو مذکور ہے یہ دراصل راوی کی جانب سے ہے کہ انہوں نے جو اتصال کا منظر دیکھا اس کو مبالغہ کے ساتھ بیان کر دیا ہے۔ مزید تفصیل کے لیے نزهة القاری ج ۳ ص ۱۸۳ دیکھیں ۔

امام بدرالدین عینی رحمۃُ اللہِ علیہ  "  كَانَ أَحَدُنَا يُلْزِقُ مَنْكِبَهُ بِمَنْكِبِ صَاحِبِهِ وَقَدَمَهُ بِقَدَمِهِ " کی تشریح کرتے ہوئے فرماتے ہیں:وَأَشَارَ بِهَذَا إِلَى الْمُبَالغَة فِي تَعْدِيل الصُّفُوف وسد الْخلَل فِيهِ، وَقد وَردت أَحَادِيث كَثِيرَة فِي ذَلِك (عمدة القاري شرح صحيح البخاري – بدر الدين العيني (٥ ‏/ ٢٥٩) والله تعالى اعلم