کربلا کی جنگ میں امام حسین حق پر تھے

(1)(2)کر بلا کی جنگ میں سیدنا امام حسین رضی اللہ تعالی عنہ حق پر تھے، اور یزید باطل پر ، اس پر اہل سنت کا اتفاق ہے کہ یزید فاسق و فاجر تھا۔ حضرت امام احمد بن حنبل رحمۃ اللہ تعالیٰ علیہ اور دوسرے بہت سے علما نے اس کو کافر کہا ہے ۔ ہمارے  امام اعظم رضی اللہ تعالیٰ عنہ نے اس کے بارے میں سکوت فرمایا نہ کافر کہا نہ مسلمان، دیوبندی مذہب کے بانی مولوی رشید احمد گنگوہی اپنے فتاوی میں لکھتے ہیں یزید کے وہ افعال نا شائستہ ہر چند موجب لعن کے ہیں۔ مگر جس کو محقق اخبار سے اور قرائن سے معلوم ہو گیا کہ وہ ان مفاسد سے راضی و خوش تھا، اور ان کو مستحسن اور جائز جانتا تھا، اور بدون تو بہ کے مر گیا وہ لعن کے جواز کا قائل ہیں اور جو علما اس میں تردد رکھتے ہیں کہ اول میں وہ مومن تھا اس کے بعد وہ ان افعال کا مستحل تھا یا نہ تھا۔ اور ثابت ہوا یا نہ ہوا۔ پس بدون تحقیق اس امر کے لعن جائز نہیں۔ لہذا وہ فریق علما کا بہ وجہ حدیث منع لعن مسلم کے لعن سے منع کرتے ہیں۔ جواز لعن و عدم جواز کا مدار پر ہے۔ اور مقلدین کے لیے احتیاط سکوت میں ہے۔ یزید مومن تھا بہ سبب قتل کے فاسق ہوا۔ اس کا بھی حاصل وہی نکلا ۔ حضرت امام اعظم نے فرمایا ، اس لیے اس بارے میں ہمیں سکوت کرنا چاہیے۔ یزید کو نہ جنتی کہنا چاہیے نہ جہنمی ۔ واللہ تعالیٰ اعلم ۔