سنّی فتویٰ
SUNNI FATWA
THEME
🌿 سبز (روشن)
🌿 سبز (تاریک)
🕋 مکی
🕌 مدنی
🔵 قادری
⚪ چشتی
🟤 رضوی
مسئلہ یہ ہے کہ ایک آدمی جو کچھ علم بھی رکھتا ہے، اور ہمارے قریب ایک چھوٹے سے گاؤں میں کچھ عرصہ سے جمعہ بھی پڑھاتا ہے، لہذا علماء دین سے التجا ہے، کہ چھوٹے سے دیہات میں جمعہ پڑھانے کی نسبت مسئلہ فرما دیں کہ کن شرطوں سے جمعہ واجب ہوتا ہے، اور کن شرطوں سے ظہر ساقط ہوتی ہے، ان کی نسبت شریعت کی رو سے بندگان دین فیصلہ دیں کہ آیا یہ درست ہے یا نہیں۔ بینوا توجروا۔
جمعہ کے فرض ہونے کے لئے شرائط ہیں، جن میں سے ایک شرط شہر یا فنائے شہر ( یعنی ملحقات شہر ) ہے، لہذا گاؤں میں جمعہ فرض نہیں ہے، جس گاؤں میں جمعہ نہیں ہوتا ، وہاں قائم نہ کیا جائے ، گاؤں میں نمازِ جمعہ نفل ہوگی، لہٰذا جمعہ کے دن گاؤں میں نماز ظہر پڑھنا فرض ہے، جو شخص گاؤں میں جمعہ کےدن ظہر نہ پڑھے گا ، اس کے ذمہ ظہر کا فریضہ باقی رہے گا، اس نے گاؤں میں نماز چاہے پڑھی ہو یا نہ پڑھی ہو، والله تعالیٰ و رسولہ العلیٰ اعلم ۔(1)
گاؤں کے وہ سب لوگ جن پر شرائط جمعہ(مسلمان مرد،مقیم،تندرست ،عاقل،بالغ)پائےجانےکی صورت میں شرعاً جمعہ فرض ہوجاتا ہے،گاؤں کی سب سے بڑی مسجد میں نماز پڑھیں اوراس میں پورے نہ آسکیں،بلکہ اس کی توسیع کرنا پڑے،تو ایک روایت کے مطابق ایسے گاؤں میں جمعہ درست ہےاور فی زمانہ مفتیان کرام نے اسی روایت پرفتوی دیا ہے اورایسے گاؤں میں نمازجمعہ اداکرنے سے ظہرساقط ہوجائے گی اوراگر گاؤں میں اتنے افراد نہ ہوں ، تواس میں نمازجمعہ شروع کرنا،ناجائزوگناہ ہے اوروہاں کے بالغ افرادپرظہرفرض ہوگی۔ مکمل فتویٰ کے لیے دارالافتاء اہلسنت دعوتِ اسلامی کے ویب سائٹ کو دیکھیے۔ https://www.fatwaqa.com/ur/fatawa/namaz/gaon-dehat-me-jummah
⚠️ نوٹ: شیئر کارڈ میں اردو کے علاوہ دوسری زبان میں تصویر صحیح نہیں آتی، براہِ کرم پی ڈی ایف ڈاؤن لوڈ کیجئے۔
