مرزآئی بیعت فارم پر دستخط کرنے سے آدمی کافر ہوگا یا نہیں؟

زید سے جبکہ مرزائی کے بیعت فارم پر دستخط کرائے تو زید کافر و مرتد ہو گیا،   زید اسلام سے باہر ہو گیا ، اور مرزائی ہو گیا ، اس کی نماز شرعا نماز نہیں اور اسکا اپنے آپ کو مسلمان تصور کرنا غلط، اس کی بیوی نکاح سے باہر ،اس کی بیوی اگرزید مرزائی ہونے پر بے خبر رہی تو وه معذور ہے، زید کی بیوی کو جو حمل زید کے مرزائی ہونے سے پہلے ہوا اس حمل سے جو بچہ پیدا ہو گا۔ وه جائز اولاد سے ہے، زید نے مرزائی بننے کے بعد جو مجامعت کی تو قطعا حرام مگر جو بچہ ڈیڑھ دو ماه کے بعد پیدا ہوا تو اس بچہ کو حرامزاده نہیں کہا جائے گا، کیونکہ اس بچہ کا وجود اس کے مرزائی ہونے سے پہلے ہو چکا تھا۔ ہاں اس نے جو مجامعت کی وه حرام ہے، پہلے بچے کے بعد جو دو بچے پیدا ہوئے وه حرام اور زنا کے ہیں، کیونکہ نکاح ٹوٹ چکا تھا۔ اس لئے وه دو بچے حرامکاری، وزنا و بدکاری سے ہوئے اور اس کے بچے بچیاں مسلمان رہیں گے، تو ان کا نکاح مسلمان عورت مسلمان مرد سے جائز ہے، ایسے بچے  جو حرامکاری و بدکاری سے ہیں وه ثابت النسب نہیں ہیں، ان کا چونکہ شرعا باپ نہیں لہذا ایسے بچے ماں کی وراثت کے حقدار ہیں، ماں کے توسط سے جتنے رشتہ دار ہونگے ۔

شریعت کے مطابق ایسے بچے ان رشتہ داروں کے ورثاء ہونگے ، ان کی وراثت کے شریعت کے مطابق حقدار ہونگے ، مسئلہ صورت واقعی پیچیده ہے، اور اس پیچیدگی کا حل یہ ہے کہ وه شخص جلد از جلد مرزائی مذہب سے تو بہ کرلے نئے سرے سے کلمہ اسلام پڑھے تجدید اسلام کرے حرام کاری سے تو بہ کرے، تو اس کے بعد اپنی سابقہ بیوی سے دوباره نکاح کرے، حلالہ کرنے کی یا عدت گزارنے کی اس میں ضرورت نہیں۔ دو مسلمان گواہوں کے سامنے اس شخص میں اور اس کی بیوی میں ایجاب و قبول ہو جائے ، یا کسی نکاح پڑھانے والے مسلمان سے شرعی گواہوں کے سامنے ایجاب و قبول کرائے تو نکاح ہو جائے گا۔ اس شخص پر فرض ہے کہ اپنی بیوی سے معافی مانگے ، کیونکہ اس نے اپنی سابقہ بیوی کی عصمت دری کی ہے، اس سے حرامکاری کی ہے، اور اس بیچاری کو شوہر کے مرزائی ہونے کا علم نہیں، چونکہ وه لاعلم رہی لہذا اس حرام کاری کی وجہ سے وه گنہ گار نہ ہوئی مگر اس شخص کا عذر جہالت ایسے قضیہ میں مقبول نہیں تو بہ کرے مسلمان ہو جائے ، اپنی بیوی سے دوباره شریعت کے مطابق نکاح کرے بس قضیہ ختم ہے.  

والله تعالیٰ ورسولہ الاعلیٰ اعلم۔