کلمہ کفر کن چیزوں پر اثر انداز ہوتا ہے؟

الجواب بعون الملك الوهاب

اگر کفر قطعی ہے تو اس کے احکام مرتد کے احکام ہیں ۔ عالمگیری میں ہے: و احکامهم احكام المرتدين ( الفتاوى الهنديه ج: ۲، ص: ۲۶۴، كتاب السير الباب التاسع في احكام المرتدين) ارتداد سے اعمال اکارت ہو جاتے ہیں۔ بیوی نکاح سے نکل جائے گی ۔ مرتد کا نکاح باطل ہے اس کا نکاح نہ کسی مسلم سے ہو سکتا ہے نہ کافرہ سے نہ مرتدہ سے،  اس کا ذبیحہ مردود ہے۔ وہ کسی معاملہ کی گواہی نہیں دے سکتا نہ وہ کسی کا وارث ہو سکتا ہے، ارتداد سے ملک جاتی رہتی ہے۔

والله اعلم باالصواب و رسوله صلى الله عليه وسلم