اعتجار کی تعریف اور اس کا حکم؟

الجواب بعون الملك الوهـــاب

سر پر عمامہ اس طرح باندھنا کہ بیچ  کا حصہ کھلا رہے، شریعت کی اصطلاح میں اس کو اعتجار کہتے ہیں اور اعتجارسے نماز مکروہِ تحریمی واجب الاعادہ ہوگی۔ فتاوی عالمگیری میں ہے:”وَيُكْرَهُ الِاعْتِجَارُ وَهُوَ أَنْ يُكَوِّرَ عِمَامَتَهُ وَيَتْرُكَ وَسَطَ رَأْسِهِ مَكْشُوفًا. كَذَا فِي التَّبْيِينِ قَالَ الْإِمَامُ الْوَلْوَالِجِيُّ وَهُوَ يُكْرَهُ خَارِجَ الصَّلَاةِ أَيْضًا. هَكَذَا فِي الْبَحْرِ الرَّائِقِ“(الفتاوى الهندية – محمد أورنك عالم كير، ج : 1، ص 106، باب كراهية الصلاة)  اعتجار مکروہ ہے اور اعتجار یہ ہے کہ عمامہ کو اس طرح لپیٹ لے کہ اس کے بیچ سر کا حصہ کھلا رہے، ایسے ہی تبیین میں ہے۔ اور امام ولوالجی نے فرمایا کہ اعتجار نماز کے علاوہ بھی مکروہ ہے۔ مرقاۃ شرح مشکوۃ میں ہے کہ: ” حضور اقدس صلی اللہ علیہ وسلم  کا چھوٹا عمامہ سات ہاتھ کا اور بڑا عمامہ بارہ ہاتھ کا تھا۔“  (مرقاة المفاتيح شرح  مشكاة المصابيح – الملا على القاري ،کتاب اللباس،الباب الثانی،تحت الحدیث: 4340،ج 7، ص 2778۔/بہار شریعت، ج3، ص419، مکتبۃ المدینہ)