نفلی روزے میں سحری اور افطار کا حکم

سحری کھانا مستحب ہے۔ حدیث میں فرمایا: «تَسَحَّرُوا فَإِنَّ في السَّحُورِ بَرَكَةً». ترجمہ: سحری کھاؤ اس لئے کہ سحری کھانے میں برکت ہے ۔ (سنن النسائي (٢ ‏/ ٤٦٣) اس میں نفل و فرض کا کوئی تفرقہ نہیں۔ افطار میں تعجیل مستحب ہے، نماز سے قبل روزہ افطار کر لیں۔ درمختار میں ہے: ويستحب السحور وتأخيره وتعجيل الفطر لحديث: «ثلاث من أخلاق المرسلين: تعجيل الافطار، وتأخير السحور، والسواك» ترجمہ: سحری کھانا اور اس میں تاخیر اور افطار میں جلدی کرنا مستحب ہے اس لئے کہ حدیث ہے تین چیزیں انبیاء کی سنت ہیں۔ افطار میں جلدی کرنا سحری میں تاخیر کرنا اور مسواک۔ (الدر المختار شرح تنوير الأبصار وجامع البحار – علاء الدين الحصكفي (١٤٨) والله تعالى أعلم۔