غیر مسلم کے گھر کی بنائی ہوئی مٹھائی پر فاتحہ دینا کیسا؟

کفارِ ہنود کی بے احتیاطیاں کون نہیں جانتا،  نہ ان کے یہاں نجاسات سے اجتناب ہے، نہ اصولِ طہارت سے واقف ہیں۔ مگر معاملۂ طہارت و نجاست میں مجرد اوہام کا اعتبار نہیں، اصل طہارت ہے؛ جب تک نجاست کا یقین نہ ہو، کسی خاص شے میں حکمِ نجاست نہ ہوگا۔

​محررِ مذہب، سیدنا امام محمد رضی اللہ تعالیٰ عنہ فرماتے ہیں: وَبِهِ نَأْخُذُ مَا لَمْ نَعْرِفْ شَيْئًا حَرَامًا بِعَيْنِهِ، وَهُوَ قَوْل أَبِي حَنِيفَةَ رَحِمَهُ الله تَعَالَى—⁽¹⁾ (الموسوعة الفقهية الكويتية – مجموعة من المؤلفين (١٥ ‏/ ٧٨)

​مگر ان ملچہوں کے یہاں کے کھانے، شیرینی وغیرہ سے جہاں تک ممکن ہو، اجتناب ہی چاہیے۔ خصوصاً مجلسِ میلادِ شریف اور فاتحہ میں ان کے ہاتھ کی بنائی ہوئی مٹھائی سے پرہیز و گریز کرنا چاہیے۔

​ہر چیز پر فاتحہ ہو سکتی ہے؛ پلاؤ وغیرہ روٹی گوشت، چاول، ان سب پر فاتحہ ہو سکتی ہے۔ اور اگر میٹھی ہی چیز چاہیں تو بلا تکلف ہر شخص کے یہاں حلوا تیار ہو سکتا ہے، اس پر نیاز دلائیں؛ یا چھوہارا، کھجور اور دیگر پھلوں پر فاتحہ دے کر تقسیم کریں۔ ہندو کے یہاں کی مٹھائی کیوں خریدیں؟ ​واللہ تعالیٰ اعلم

(1) ↩ترجمہ: ہم اس وقت تک مؤاخذہ نہیں کرتے جب تک کہ کسی شے کے بعینہِ حرام ہونے کو نہ جان لیں، اور یہی امام ابو حنیفہ کا قول ہے۔(مترجم:  طارق القادری مدنی بنارسی)