معافی چاہنے والے کو معاف نہ کرنے کا حکم

کیا فرماتے ہیں علمائے دین اس مسئلہ میں کہ میری لڑکی کے نکاح میں کچھ چند سوال آپس میں رد و بدل کے ہوئے، جن میں میرا حقہ پانی پنچایت کر کے بند کر دیا۔ اور چار مہینے تک یہ حکم لگایا کہ تمہاری کچھ نہیں سنی جائے گی۔ پھر میں نے پنچایت کی اور بہت عاجزی سے ان لوگوں کے سامنے یہ کہا کہ: بھائی! میری لڑکی کا معاملہ ہے، میری خطا جا بے جا ہوئی ہے، اس کو واسطہِ خدا اور رسول کے معاف کر دیا جائے۔ ان لوگوں نے یہ کہا کہ: واسطہ خدا اور رسول کا ہمارے دلوں سے پہلے ہی اٹھ گیا ہے۔ لہٰذا چند آدمیوں نے یہ پوچھا کہ: بھائی! یہ کلمہ تو بہت برا کہا۔ انہوں نے جواب دیا کہ: ابھی پنچایت میں بھی ایک شخص نے واسطہ خدا و رسول کا دیا تھا، اس کی بھی نہیں مانی تھی، لہٰذا تمہاری بھی نہیں مانی جائے گی۔ انہی لوگوں میں سے چند آدمیوں نے توبہ کی (اور کہا) کہ: خدا ہم کو معاف کرے، اب ایسی حرکت نہیں کریں گے، نہ ہم ایسے لفظ کے شریک ہیں۔ مگر ان (بقیہ) آدمیوں نے یہی کہا کہ: ہم اسی بات کے قائل ہیں، جو ہم نے چار مہینہ تک تم کو بند کیا ہے، اب ہم چار مہینہ تک اپنے حکم کے قائل ہیں، پیشتر کوئی بات نہیں سنیں گے۔

ان میں چند آدمی امامت کرتے ہیں، آیا ان لوگوں کے پیچھے نماز ہوگی یا نہیں؟ بینوا توجروا