جرمانہ لینا ناجائز ہے

جو لوگ نماز و روزہ کے پابند نہیں ہیں، ان پر لازم ہے کہ توبہ کریں اور صوم و صلاۃ کی پوری پابندی کریں؛ کیونکہ نماز و روزہ کے ترک کرنے والے بہت سخت گناہ گار و مستحقِ غضبِ جبار ہیں اور جرمانہ لینا ناجائز ہے، وہ روپے واپس کریں۔ 'بحر الرائق' میں ہے: وَالتَّعْزِيرُ بِالْمَالِ مَنْسُوخٌ (مال لے کر تعزیر / مالی جرمانہ کی سزا دینا منسوخ ہے) (مترجم:طارق القادری مدنی بنارسی )۔

اگر واقعی اس شخص نے گالی دی ہے، تو ان لوگوں سے معافی چاہے، ورنہ حق العبد (بندے کے حقوق) میں گرفتار ہے۔ اور جو لوگ نشہ کا استعمال کرتے ہیں، وہ اسے ترک کریں اور توبہ کریں۔ واللہ تعالیٰ اعلم