سنّی فتویٰ
SUNNI FATWA
THEME
🌿 سبز (روشن)
🌿 سبز (تاریک)
🕋 مکی
🕌 مدنی
🔵 قادری
⚪ چشتی
🟤 رضوی
کیا فرماتے ہیں علمائے دین و مفتیانِ شرعِ متین اس مسئلہ میں کہ بعد نمازِ پنجگانہ علی العموم مقتدی آپس میں مصافحہ کیا کرتے ہیں اور اس کو بھی ضروری خیال کرتے ہیں، یہی وجہ ہے کہ روکنے والے سے جھگڑتے ہیں۔ یہ عجیب بات ہے کہ شامل شامل (ساتھ ساتھ) مسجد میں حاضر ہیں، بعد فراغتِ نمازِ جماعت مصافحہ کریں اور پہلے سے نہ کریں، ایسا اعتقاد کیسا ہے؟
مصافحہ بعد نماز جائز و مباح، بلکہ بہتر ہے۔ متون میں جوازِ مصافحہ کو مطلق رکھا ہے اور بغیر دلیلِ شرعی مطلق کی تقیید (قید لگانا) نہیں ہوتی، لہٰذا یہ حکم، مصافحہ بعد نماز کو بھی شامل ہے۔ اسی وجہ سے صاحبِ 'درِ مختار' نے اطلاقِ متون سے مصافحہ بعد نماز کے جواز پر استدلال کیا، فرماتے ہیں: ”وإطلاق المصنف تبعا للدرر والكنز والوقاية والنقاية والمجمع والملتقى وغيرها يفيد جوازها مطلقا ولو بعد العصر، وقولهم إنه بدعة: أي مباحة حسنة كما أفاده النووي في أذكاره وغيره في غيره“ (الدر المختار، باب الاستبراء وغيره، ص: 658، دار الكتب العلمية - بيروت)
ترجمہ: ”مصنف کا اتباعِ درر و کنز و وقایہ و مجمع و ملتقیٰ وغیرہا میں مصافحہ کو مطلقاً ذکر کرنا یہ فائدہ دیتا ہے کہ وہ مطلق جائز ہے، اگرچہ بعد نمازِ عصر کیا جائے؛ اور بعض فقہاء کا 'بدعت' کہنا، اس سے مراد یہ ہے کہ یہ بدعتِ مباحہ و حسنہ ہے جیسا کہ امام نووی نے اپنے 'اذکار' میں اور دوسرے لوگوں نے دوسری کتابوں میں ذکر فرمایا۔“
'حدیقہ ندیہ' میں ہے: ”بعض المتاخرين من الحنفية صرح بالكراهة في ذلك ادعاء بانه بدعة مع انه داخل في عموم سنة المصافحة مطلقا“
ترجمہ: ”حنفیہ میں سے بعض متاخرین نے اس میں کراہت کی تصریح کی اس ادعا سے کہ وہ بدعت ہے، حالانکہ یہ سنتِ مصافحہ کے عموم میں مطلقاً داخل ہے۔“
'مجمع البحار' میں ہے: ”هي من البدعة المباحة“ (مصافحہ بدعتِ مباحہ میں سے ہے)۔
⚠️ نوٹ: شیئر کارڈ میں اردو کے علاوہ دوسری زبان میں تصویر صحیح نہیں آتی، براہِ کرم پی ڈی ایف ڈاؤن لوڈ کیجئے۔
