اپنا یا غیر کا ستر دیکھنے سے وضو نہیں ٹوٹتا

اپنا یا پرایا ستر دیکھنے سے اصلا وضو میں خلل نہیں آتا یہ مسئلہ عوام میں غلط مشہور ہے۔ ہاں پر ایا ستر بالقصد دیکھنا حرام ہے اور نماز میں اور زیادہ حرام۔  اگر قصدا دیکھے گا نماز مکروہ ہوگی اور اتفاق نگاہ پڑ جائے پھر نظر پھیرلے  یا آنکھیں بند کرلے تو حرج نہیں ۔حدیث میں ہے:  النظرة الأولى لك والثانية عليك پہلی نگاہ یعنی جو بے قصد پڑے  وہ تیرے لئے ہے یعنی تجھ پر اس میں مواخذہ نہیں اور دوسری نگاہ یعنی جب دوبارہ قصداً   دیکھے یا پہلی نگاہ قائم رکھے منہ نہ پھیرے آنکھیں نہ بند کرے تو اس کا تجھ پر مواخذہ ہے۔  واللہ تعالیٰ اعلم