نکاح کے بعد لڑکی والے کی طرف سے کھانا دینا اور عقیقے کے گوشت کا ولیمہ میں استعمال کرنا کیسا ؟

عالی جناب مفتی اعظم صاحب جامعہ عربیہ اسلامیہ السلام علیکم ورحمۃ اللہ وبرکاتہ

 گزارش خدمت با برکت میں یہ ہے کہ مندرجہ ذیل سوالات کے شرعی جوابات مطلوب ہیں امید قوی ہے کہ جواب دے کر ممنون فرمائیں گے، تکلیف کے لیے معافی کا خواستگار ہوں ۔
(1) نکاح کے بعد لڑکی والے کی طرف سے کھانا دینا از روئے شرع درست ہے یا نہیں؟ میرے ایک دوست کا کہنا ہے کہ لڑکی والے کی طرف کھانا دینا خلاف سنت ہے، کیوں کہ یہ فعل سنت سے ثابت نہیں لیکن دوسرے دوست کہتے ہیں کہ اپنی مرضی اور اور خوشی سے کوئی کھانا دیتا ہے تو اس میں کوئی حرج نہیں۔  آپ اس پر شرع کی روشنی میں حکم صادر فرمائیں تا کہ اطمینان ہو جائے؟
(۲) عقیقہ کا گوشت پورے کا پورا استعمال کرنے سے جب کہ اسے غریبوں میں تقسیم نہ کیا جائے ، اس پورے گوشت کو نکاح کے کھانے یا ولیمہ کے کھانے میں استعمال کرنے سے عقیقہ کا مقصد پورا ہو جائے گا یا نہیں؟