کیا عورت بغیر ولی کی اجازت کے نکاح کر سکتی ہے؟

عاقلہ بالغہ بغیر ولی کی اجازت کے خود اپنا نکاح کفو میں کرے گی تو وه نکاح شرعاً صحیح ہو جائے گا۔

حدیث شریف میں ہے، الأَْیِّمُ أَحَقُّ بِنَفْسِھَا مِنْ وَلِیِّھَا

ھدایہ میں ہے، وَیَنْعَقِدُ نِكَاحُ الْحُرَّةِ الْعَاقِلَةِ الْبَالِغَةِ بِرِضَاها) وَإِنْ لَمْ یَعْقِدْ عَلَیْها وَلِيٌّ بِكْرًا كَانَتْ أَوْ ثَیِّبًا

کنز الدقائق میں ہے نَفَذَ نِكَاحُ حُرَّة مُكَلَّفَةٍ بلا وليّ -

صورت مسئولہ میں مسماة صغراں بی بی جبکہ بیوه ہے، عاقلہ بالغہ ہے اور اس کی عدت وفات بھی گزر چکی ہے، تو وه اپنی مرضی کے مطابق اپنے کفو میں جہاں چاہے شرعاً نکاح کر  سکتی ہے، مسماة مذکوره کے بھائی اس کی اجازت کے بغیر اس کا نکاح کسی جگہ نہیں کر سکتے ۔

 والله تعالىٰ و رسوله الاعلىٰ اعلم ۔