سنّی فتویٰ
SUNNI FATWA
THEME
🌿 سبز (روشن)
🌿 سبز (تاریک)
🕋 مکی
🕌 مدنی
🔵 قادری
⚪ چشتی
🟤 رضوی
کیا فرماتے ہیں علمائے کرام اس مسئلے میں :
زید کی شادی ایک شخص کے یہاں طے پائی اس کے یہاں اسی دن دو باراتیں آئیں تھیں ۔ جب نکاح ہو چکا تو یہ معلوم ہوا کہ زید کا نکاح اس لڑکی سے ہو گیا ہے جس کو وہ نہیں چاہتا تھا اور نہ ہی اس لڑکی سے زید کا نکاح ہونا طے ہوا تھا۔ اب زید کی اس غلط شادی ہو جانے کی وجہ سے زید پریشان ہے۔ اور وہ اس لڑکی کو طلاق دینا چاہتا ہے۔ کیا وہ طلاق دے سکتا ہے؟ مطلع فرمائیں کرم ہوگا۔
الجواب بعون الملك الوهــــــــاب
اگر اس لڑکی کا نام اور اس کے والد کا نام ظاہر کیا گیا نیز لڑکی کی صفت بھی بیان کر دی گئی تھی ، کہ وہ بڑی ہے یا چھوٹی ہے یا منجھلی ، غرض اس کی تعیین گواہوں کے سامنے ہو گئی تو نکاح صحیح ہو گیا۔ اب اگر زید کسی وجہ سے اسے رکھنا نہیں چاہتا تو طلاق دے سکتا ہے۔ اور اگر گواہوں کے سامنے لڑکی کی تعیین نہیں کی گئی تو وہ نکاح صحیح نہ ہوا ۔ فتاوی عالمگیری میں ہے : وَلَوْ كَانَ لِرَجُلٍ بِنْتَانِ كُبْرَى اسْمُهَا عَائِشَةُ وَصُغْرَى اسْمُهَا فَاطِمَةُ وَأَرَادَ أَنْ يُزَوِّجَ الْكُبْرَى وَعَقَدَ بِاسْمِ فَاطِمَةَ يَنْعَقِدُ عَلَى الصُّغْرَى (الفتاوى الهندية، ج 1، ص 270، کتاب النکاح، الباب الاول في تفسيره شرعا و صفته و ركنه و شرطه وحكمه)۔
والله اعلم باالصواب و رسوله صلى الله عليه وسلم
⚠️ نوٹ: شیئر کارڈ میں اردو کے علاوہ دوسری زبان میں تصویر صحیح نہیں آتی، براہِ کرم پی ڈی ایف ڈاؤن لوڈ کیجئے۔
