حج تمتع کے احرام کے بعد طواف وسعی

الجواب هو الهادي إلى الصواب

 صورت مسئولہ میں آپ متمتع ہوئے یعنی ایک ہی سفر میں ایک احرام سے  پہلے عمرہ پھر دوسرے احرام سے حج کیا۔ اور متمتع کے لئے احرام کے بعد نہ طواف ہے نہ سعی۔ بلکہ اس کے لئے صرف طوافِ زیارت ہے جو فرض ہے اور اس کی ادائیگی قربانی و حلق کے بعد ہوتی ہے۔ ہاں اگر کسی متمتع نے حج کے احرام میں داخل ہونے کے بعد ایک نفلی طواف اور اس کے ساتھ سعی بھی کر لیا۔ تو طوافِ زیارت (افاضہ) کے بعد اسے سعی کرنے کی ضرورت نہیں ہوگی ۔

فتاوی شامی میں ہے: ليس على المتمع طواف قدوم متمتع حاجی پر طواف قدوم نہیں ہے۔ 

اور جب آپ سے کوئی غلطی (جنابت)  نہیں ہوئی تو کفارہ( دم، صدقہ، بدنہ) کا بھی سوال نہیں ہے۔ واللہ تعالیٰ اعلم