کفری عقائد رکھنے والوں کے بارے میں شرعی حکم اور ان کے پیچھے نماز کا مسئلہ

(۱) ہم لوگ آج تک علمائے دین سے سن کر اسماعیل دہلوی کو کافر کہتے تھے، لیکن ایک مولوی صاحب سے ہم لوگوں نے دریافت کیا تو انہوں نے کہا کہ میں ثبوت سے کہتا ہوں کہ اسماعیل دہلوی کو کافر نہ کہنا چاہیے، بلکہ احتیاط کرنی چاہیے۔ آپ لوگ اس کا صحیح جواب دیجیے؟

(۲) ہمارے یہاں کے پیش امام حج کو چلے گئے اور ان کے جانے کے بعد یہاں کے کچھ لوگ مل کر ایک شخص کو نماز پڑھانے کے لیے لائے، تو ہم لوگوں نے ان سے دریافت کیا کہ حسام الحرمین کے اندر ہم لوگوں نے دیکھا ہے اور علمائے کرام سے سنا ہے کہ رشید احمد گنگوہی، اشرف علی تھانوی، خلیل احمد انبیٹھوی، قاسم نانوتوی اور اسماعیل دہلوی کے بارے میں آپ کیا کہتے ہیں؟ تب اس نے کہا کہ ہم ان لوگوں کو کچھ برا بھلا نہیں کہیں گے۔

تب ہم لوگوں نے ان کے پیچھے نماز پڑھنا چھوڑ دیا، الگ پڑھنے لگے۔ تب دوسرے مولوی صاحب نے آ کر اعلان کیا کہ آپ لوگ کون ہوتے ہیں پوچھنے والے؟ آپ کو پوچھنے کا کوئی حق نہیں اور اسے بتلانا حق نہیں۔ یہ مفتیوں کا کام ہے، یہ صرف مفتی لوگ کہہ سکتے ہیں۔ تو کیا ہم لوگ عقیدہ کے بارے میں کسی سے نہ پوچھیں اور جو بھی آئے، اس کے پیچھے نماز پڑھ لیں یا نہ پڑھیں اور ان لوگوں کو کافر کہیں یا نہیں؟

(۳) ہم لوگ سنی عقیدہ رکھتے ہیں اور بریلی کے اعلیٰ حضرت رضی اللہ عنہ کے کہنے پر چلتے ہیں، لیکن ایک مولوی نے تقریر میں اعلان کیا کہ نہ تم لوگ بریلوی بنو، نہ وہابی، نہ دیوبندی اور نہ چودھویں صدی کے ملاؤں کا کہنا مانو، صرف محمدی بنو۔

تو ہم لوگوں کے سمجھ میں نہیں آتا کہ بریلوی بننے سے بھی روکا جاتا ہے اور چودھویں صدی کے ملاؤں کا کہنا ماننے سے بھی روکا جاتا ہے، تو اب ہم لوگ کیا بنیں اور کس کا کہنا مانیں؟ اور بریلوی و محمدی میں کیا فرق ہے؟ جواب بحوالہ کتب ارسال فرمائیں۔