یزید کے متعلق اہل سنت کا کیا مؤقف ہے

 (1) بعض ائمہ کے نزدیک جنتی ہو سکتا ہے، اور بعض کے نزدیک نہیں ہو سکتا ۔

(2) امام حسین رضی اللہ تعالی عنہ کے قتل کی بنا پر یزید پلید سخت گنہ گار، حق العبد میں گرفتار، لائق عذاب قہار اور مستحق عذاب نار ہوا۔

(3) بے شک یزید خبیث کو برا کہنا جائز ہے۔

(4) اگر کفر سرزد ہو تو غرغرہ کے وقت تک توبہ مقبول ہے ، اور آدمی زندگی بھر مسلمان ہو تو موت سے پہلے کفر میں مبتلا ہو سکتا ہے تو یزید کی موت حالت کفر پر ہوئی یا حالت ایمان پر اسے اللہ و رسول ہی جانتے ہیں ۔ جل جلالہ و صلی اللہ تعالیٰ علیہ وسلم 

(5) یزید کے بارے میں اعلیٰ حضرت  پیشوائے اہلسنت امام احمد رضا بریلوی الرحمۃ و الرضوان تحریر فرماتے ہیں: يزيد پليد عليه ما يستحقه من العزيز المجيد قطعا يقينًا   باجماع اہلسنت  فاسق و فاجر وجری  علی الکبائر تھا ۔اس قدر پر ائمہ اہلسنت کا  اطباق واتفاق ہے صرف اس کی تکفیر  و لعن میں اختلاف فرمایا ۔امام احمد بن حنبل رضی اللہ تعالی عنہ اور ان کے اتباع و  موافقین اسے کافر کہتے   اور تخصیص نام اس پر لعنت کرتے ہیں ،اور اس آیت کریمہ سے اس پر سند لاتے ہیں : فَهَلْ عَسَیْتُمْ اِنْ تَوَلَّیْتُمْ اَنْ تُفْسِدُوْا فِی الْاَرْضِ وَ تُقَطِّعُوْۤا اَرْحَامَكُمْاُولٰٓىٕكَ الَّذِیْنَ لَعَنَهُمُ اللّٰهُ فَاَصَمَّهُمْ وَ اَعْمٰۤى اَبْصَارَهُمْ کیا قریب ہے کہ اگر والی ملک ہو تو زمین میں فساد کرو اور اپنے نسبی رشتہ کاٹ دو یہ ہیں وہ لوگ جن پر اللہ نے لعنت فرمائی تو  انہیں بہرا کر دیا اور ان کی آنکھیں پھوڑ دیں (پ ۲۶ ع٧ ) شک نہیں کہ یزید نے والی ملک ہو کر زمین پر فساد پھیلا دیا حرمین طیبین و خود کعبہ معظمہ  و روضۂ طیبہ کی سخت بے حرمتیاں کیں ، مسجد کریم میں گھوڑے باندھے ان کی لید اور پیشاب منبر اطہر پر پڑے۔ تین دن مسجد نبی صلی اللہ تعالی وسلم بے اذان و نماز رہی۔ مکہ و مدینہ حجاز میں ہزاروں صحابہ و تابعین بے گناہ شہید کئے، کعبہ معظمہ پر پتھر پھینکے، غلاف کعبہ شریف پھاڑا اور جلایا، مدینہ طیبہ کی پاک دامن پارسا ئیں تین شبانہ روز اپنے خبیث لشکر پر حلال کر دیں۔ رسول اللہ صلی اللہ تعالی علیہ وسلم کے جگر پارے کو تین دن بے آب و دانہ رکھ کر مع ہمراہیوں کے تیغ ظلم سے پیاسا ذبح کیا۔ مصطفےٰ صلی اللہ تعالی علیہ وسلم کے گود کے پالے ہوئے تن نازنین پر بعد شہادت گھوڑے دوڑائے گئے تا کہ تمام استخوان مبارک چور ہو گئے۔ سر انور کہ محمد صلی اللہ علیہ وسلم کہ بوسہ گاہ تھا کاٹ کر نیزہ پر چڑھایا اور منزلوں پھر ایا ، حرم محترم   محذرات  مشکوئے رسالت قید کئے گئے اور بے حرمتی کے ساتھ اس خبیث کے دربار میں لائے گئے اس سے بڑھ کر قطع رحم اور زمین میں  فساد کیا ہو گا ،  ملعون ہے وہ جو ان ملعون حرکات کو فسق و فجور نہ جانے قرآن عظیم میں صراحتاً اس پر لَعَنَهُمُ الله فرمایا۔

لہذا امام احمد اور ان کے موافقین اس پر لعنت فرماتے ہیں  اور ہمارے امام اعظم رضی اللہ تعالی عنہ لعن و تکفیر سے احتیاطاً سکوت کہ اس سے فسق و فجور تو اتر ہیں کفر متواتر نہیں اور بحال احتمال نسبت کبیرہ بھی جائز نہیں نہ کہ تکفیر اور امثال وعیدات مشروط  بعدم تو بہ ہیں لقوله تعالى : فَسَوْفَ يَلْقَوْنَ غَيَّا إِلَّا مَنْ تَابَ اور توبہ تادم غرغرہ مقبول ہے اور اس کے عدم پر جزم نہیں اور یہی احوط واسلم ہے۔ (فتاوی رضویہ جلد ششم ص ۱۰۷)