عورت عدت وفات میں ہو تو اس کوحج کے لیے جانا جائز نہیں

الجواب بعون الملك الوهاب

صورت مسئولہ میں ہندہ حج کے لیے نہیں جا سکتی۔ اسے عدت ختم ہونے تک اپنے مرحوم شوہر ( زید) کے گھر میں رہنا واجب ہے۔

فتاویٰ عالم گیری ج : 1 :ص ۲۸۳ میں ہے:

فلا تخرج المرأة الى الحج في عدة الطلاق أو موت.

عورت عدت طلاق یا عدت موت میں ہو تو اس کا حج کے لیے نکلنا جائز نہیں 

الفقه على المذاہب الاربعة ج ۱،ص : ۵۷۳  میں ہے:

لمرأة فلا تخرج الى الحج إذا كانت معتدة من طلاق أو موت. 

عورت عدت طلاق یا عدت موت میں ہو تو اس کا حج کے لیے نکلنا جائز نہیں

ہدایه اولین ، ص: ۴۰۸ میں ہے:

 وعلى المعتدة أن تعتد في المنزل الذي یضاف اليها بالسكني حال وقوع الفرقة أو الموت

معتدہ کو اس گھر میں عدت گز رانا واجب ہے جس میں فرقت یا موت کے وقت وہ رہتی تھی۔

واللہ تعالی اعلم