حج کس پر فرض ہے ؟

اگر کسی کے پاس اتنا پیسہ جمع ہو جائے جو حرمین شریفین سواری سے آنے جانے اور بقدر معتاد جتنے دن وہاں رہنا پڑتا ہے، اور حج کے متعلقات میں جو اخراجات ہوتے ہیں، نیز آمد ورفت کے درمیانی وقفہ میں جن لوگو کا اس پر نان و نفقہ واجب ہو ان سب کو پورا کر سکتا ہو اس پر حج فرض ہے۔ نان و نفقے سے بطریق معتاد وہ جو کھاتا ہو اس کے اخراجات، اور عادۃً جو لباس پہنتا ہو اس کے اخراجات اور رہنے کے لیے اتنا مکان ہو جس میں وہ لوگ جن کا نان و نفقہ واجب ہے رہ سکیں مراد ہے۔ رہ گیا یہ جو رواج ہے اور عوام میں مشہور ہے کہ ”جب تک بال بچوں کی حسب منشا برادری اور ملک کے رواج کے مطابق شادی نہ کر لیں اور ہر جوان بچے کے لیے بلڈنگ نہ بنوالیں حج فرض نہیں “ غلط ہے۔ واللہ تعالی اعلم