ذبح سے پہلے جانور کو بے ہوش کرنا جائز نہیں

ذبح سے پہلے جانور کو مذکورہ طریقہ سے بے ہوش کرنا جائز نہیں کہ اس میں جانور کو بلا ضرورت شرعیہ ایذا دینا ہے ، درمختار میں ہے :

(وَ) كُرِهَ كُلُّ تَعْذِيبِ بِلَا فَائِدَةٍ (الدر المختار المطبوع مع رد المحتار ، ج: ٦ ، ص: ٢٩٦ ، كتاب الذبائح، دار الفكر، بيروت)

لیکن جب اس عمل کے باوجود جانور زندہ رہتا ہے اور بطریق شرعی ذبح کر لیا جاتا ہے تو اس کے کھانے میں کوئی حرج نہیں، جیسا کہ دانت یا نا خن جسم سے الگ ہوں تو ان سے ذبح کرنا مکروہ ہے، لیکن اگر کسی نے ذبح کیا اور بطریقہ شرعی ذبح ہو گیا تو اس کا کھانا جائز ہے، تنویر الابصار میں ہے اور درمختار میں بھی ہے : وَلَوْ كَانَا مَنْزُو عَيْنِ حَلَّ )عِنْدَنَا (مَعَ الْكَرَاهَةِ) لَمَا فِيهِ مِنْ الضَّرَرِ بِالْحَيَوَانِ كَذَبْحِهِ بِشَفْرَةِ كَلِيلَةِ . (الدر المختار، ج: ٩ ، ص: ٤٢٦ ، كتاب الذبائح، دار الكتب العلمية، بيروت) اس کے تحت شامی میں ہے:أَيْ كَرَاهَةِ الذَّبْحِ بِهَا، وَأَمَّا أَكْلُ الذَّبِيحِ بِهَا لَا بَأْسَ بِهِ (رد المحتار، ج: ٩ ، ص: ٤٢٦ ، كتاب الذبائح، دار الكتب العلمية، بيروت) یا جانور کو گدی کی جانب سے ذبح کیا جائے اور رگیں کٹنے تک زندہ رہا تو یہ بھی ممنوع ہے مگر جانور کا کھانا بلا کراہت جائز ہے ۔ وَذَبْحُهَا مِنْ قَفَاهَا إِنْ بَقِيَتْ حَيَّةٌ حَتَّى تُقْطَعَ الْعُرُوقُ وَإِلَّا لَمْ تَحِلَّ لِمَوْتِهَا بِلَا ذَكَاةٍ . (الدر المختار، ج: ٩ ، ص: ٤٢٦ ، كتاب الذبائح، دار الكتب العلمية، بيروت)۔ واللہ تعالی اعلم