بینک یا ڈاکخانہ کی فکس رقم کے منافع سے حج کرنے کا حکم

 یہاں کے ڈاکخانہ یا گورنمنٹ کے بینک میں رقم جمع کرنے سے جو نفع ملتا ہے اس سے حج کرنا اور اپنی دوسری جائز ضروریات میں اسے خرچ کرنا جائز ہے۔ اس لئے کہ وہ شرعاً سود نہیں ۔ حضور مفتی اعظم ہند علیہ الرحمۃ والرضوان تحریر فرماتے ہیں کہ : گورنمنٹ سے جو رو پیہ زائد ملتاہے سود نہیں کہ سود ہونے کے لئے مال معصوم ہونا ضروری ہے ۔و مَالَ الْحَرْبِيِّ لَيْسَ بِمَعْصُومٍ (بدائع الصنائع في ترتيب الشرائع – الكاساني (٥ ‏/ ١٩٢)

 جب گورنمنٹ ایک رقم اپنی رضا سے خود زائد دیتی ہے اس کے لینے میں کوئی حرج نہیں کہ وہ سود نہیں مگر سود سمجھ کر لینا ضرور گناہ ہوگا اس کے سمجھنے سے وہ سود نہ ہو جائے گا جوزائد مال اخذ کیا مال حلال ہے مگر حرام سمجھ کر لیا اس کا گناہ ہوا اگر اسے سود جانتا ہے اور لیتا ہے تو گنہگار ہے ۔ ( فتاوی مصطفویہ ترتیب جدید صفحہ ۴۱۴) و الله تعالى اعلم.

الجواب صحیح: جلال الدین احمد الامجدی

كتبه : محمد ابرار احمد امجدی برکاتی

۲۴ شعبان المعظم ۲۱ھ