غیر رسول کو رسول اللہ بمعنی قاصد کہنا بھی کفر ہے

کیا فرماتے ہیں علمائے دین و مفتیان شرع متین اس مسئلہ میں کہ ....

زید نے چند لوگوں کے سامنے کہا ( بلکہ اس کی تحریر دستخط بھی بندہ کے پاس موجود ہے ) کہ مجھے رسول بالمعنى القاصد کہہ سکتے ہیں۔ اب شریعت ایسے شخص کے بارے میں کیا حکم دیتی ہے، حالاں کہ یہ شخص کوئی جاہل بے علم نہیں بلکہ شرح وقایہ، شرح جامی، قطبی وغیرہ پڑھتا ہے ۔ کیا ایسا شخص اس کہنے سے ایمان سے خارج نہ ہو گیا اور کافر نہ ہوا؟ گو کہ اس نے اپنے کو رسول بالمعنی المذکو رہی کہا ہے۔ کیا کسی کو رسول بمعنی مذکور کہہ سکتے ہیں، اگر کہہ سکتے ہیں تو پھر لاکھوں کروروں رسالت کا دعویٰ بمعنی مذکور کر سکتے ہیں، تو پھر لا تعد ولا تحصى رسول دنیا کے اندر موجود ہو سکتے ہیں، اور کیا زید کی بیوی اس کے نکاح سے خارج ہو گئی اور اس کو دوبارہ عقد و تجدید اسلام کی ضرورت ہے؟

 صاف جواب عنایت فرمائیں اور بادشاہِ حقیقی سے اجر عظیم کے مستحق بنیں ۔ بینوا بالكتاب مفصلاً توجروا يوم الحساب كثيراً۔