بھول کر مردار کی چربی بالوں میں لگا لی تو کیا حکم ہے؟مالی جرمانہ لینا کیسا؟

صورت مستفسره میں وہ عورت گنہگار تو بیشک ہوئی کہ اگر جانتی تھی کہ اس میں مردار کی چربی ہے پھر بالوں میں لگائی تو یہ گناہ، اور اگر نہ جانتی تھی تو بزعم خود پرایا مال بے مشہور کے اپنے تصرف میں لانے کی مجرم ہوئی، بہر حال اس کی معصیت میں شک نہیں مگر معاذ اللہ اتنی بات پر کافرہ نہیں ہو سکتی تجدید کلمہ اسلام بہتر ہے مگر اس فعل کے باعث اس کی حاجت نہ تھی، تو زید اس وجہ سے اس عورت کے ایمان میں فرق بتا کر گناہ گار ہوا، پھر تلقین اسلام پر اجرت لینا اس کا دوسرا گناہ ہوا۔ پھر اس دیکھنے والے کو دبا کر اس سے چار آنہ لینا تیسر ا گناہ ہوا۔

فان ائمتنا لا يقولون بالتعزير بالمال وعلى القول به فذاك اى الامام دون العوام

ترجمہ: کیونکہ ہمارے ائمہ کرام مالی جرمانہ اور تاوان کے قائل نہیں اور مالی تاوان اور جرمانہ کے قول پر تو یہ امام کو حق ہے عوام کو نہیں۔ (ت)

یہ ڈیڑھ روپیہ کہ زید نے لیا اس کے حق میں حرام ہے اس پر واجب ہے کہ جن جن سے لیا انھیں پھیر دے کہ اگر کھا چکا ہو تو اپنے پاس سے دے۔ بغیر اس کے اس گناہ سے توبہ نہ ہو گی۔

قال تعالى: وَ لَا تَاْكُلُوْۤا اَمْوَالَكُمْ بَیْنَكُمْ بِالْبَاطِلِ۔ والله تعالى اعلم وعلمه جل مجده اتم واحكم فقط۔

ترجمہ: اللہ تعالیٰ نے ارشاد فرمایا: ترجمہ کنز الایمان: اور آپس میں ایک دوسرے کا مال ناحق نہ کھاؤ ۔اللہ تعالی سب کچھ خوب جانتا ہے اور اس بڑی شان والے کا علم زیادہ مکمل اور پختہ ہے فقط(ت)