معطر ماکولات و مشروبات اور محرم

الجواب بتوفيق الملك الوهاب

اگر مشروبات میں خوشبو ملا کر اسے پکایا گیا ہو تو اسکا حکم بھی پکائے ہوئے کھانوں کی طرح ہے محرم کےلئےاس کا  پینا جائز اور پینے والے محرم پردم یا صدقہ نہیں۔ اسی طرح جن کھانوں میں زعفران، عرق گلاب عرق کیوڑہ وغیرہ خوشبو ملایا گیا ہو اور پھر اسے  پکا لیا گیا ہو تو پکانے سے چونکہ اس کا وجود مختلط ہو کر ختم ہو گیا تو اب اس کے وجود کا اعتبار نہ رہا اور اس کا کھانا محرم کے لئے جائز و مباح ہو گیا۔ 

صورت مسئولہ میں جو خوشبو دار کھانا محرموں نے کھایا اس کی وجہ سے وہ شرعی مجرم نہیں ہوئے ، نہ ہی ان پر کوئی صدقہ وغیرہ واجب ہوا۔ مشروبات میں اگر پھلوں کا  جوس ہو یا پکایا ہوا مشروب ہو تواس کے لیے میں بھی کوئی حرج واقع نہیں ہوا۔  البتہ پھل یا اس کے جوز کا خوشبو کیلئے سونگھنا منع ہے لیکن کھانے پینے میں خوشبو لینا  مقصود نہیں ہوتا ہے اس لئے وہ شرعاً حرام نہیں ہے۔ 

شرح لباب مع ارشاد الساری ، فصل فی اكل الطیب و شربہ ص 212 میں ہے۔

الطيب اذا اخلطه بطعام قد طبخ فلاشیٔ علیه اتفاقاً يوجد ریحه اولا - لانه بالخلط والطبخ يصير مستهلكا فلا يعتبر وجوده اصلا

خوشبو اگر ایسے کھانے میں ملائی جسے پکا لیا گیا ہو تو اس کے کھانے سے بالا جماع محرم پر کوئی شئے لازم نہیں ہوگی خواہ اسکی خوشبو باقی ہو یا باقی نہ ہو۔ کیونکہ وہ ملنے اور پکنے کی وجہ سے ہلاک (ختم) ہو گئی اب اسکے وجود کا کوئی اعتبار نہ ہوگا۔

والله اعلم 

کتبہ: عبد الواجد قادری غفر لہ  خادم الافتاء اسلامک فونڈیشن نیدرلینڈ

۱۸/جمل ۱۴۱۹ھ