نسبندی کرانے والا حج کر سکتا ہے؟

ضبط تولید کے لیے مرد کو نسبندی کرانا شرعا نا جائز وحرام ہے کہ اس میں اللہ کی پیدا کی ہوئی چیز کو بدلنا ہے اور یہ قرآن وحدیث کی نص سے ناجائز و حرام ہے۔ قرآن پاک میں ہے: وَ لَاٰمُرَنَّهُمْ فَلَیُغَیِّرُنَّ خَلْقَ اللّٰهِؕ ( سوره نساءپ ۵، آیت ۱۱۹) بخاری شریف میں ہے:  لَعَنَ اللهُ الْمُغَيِّرَاتِ خَلْقَ الله  ملخصاً یعنی اللہ تعالیٰ کی لعنت ان لوگوں پر ہے جو اللہ کی پیدا کی ہوئی چیز کو بدلتے ہیں۔ تفسیر کبیر میں ہے ۔ ان معنی تغيير خلق الله ههنا هو الاخصاء (ج۴ ص ۲۲۳) اور نسبندی میں ایک ایسی نس ایسا عضو کا ٹا جاتا ہے جو توالد و تناسل کے سلسلہ کو بند کر دیتا ہے اس وجہ سے نسبندی معنی خصا میں داخل ہے جو بہ نص قرآن وحدیث حرام و گناہ ہے بلکہ اللہ و رسول کی نافرمانی و بے حیائی کے کام مفلسی کے اسباب سے ہے اللہ تعالیٰ فرماتا ہے: وَ لَا تَقْتُلُوْۤا اَوْلَادَكُمْ مِّنْ اِمْلَاقٍؕ-نَحْنُ نَرْزُقُكُمْ وَ اِیَّاهُمْۚ-وَ لَا تَقْرَبُوا الْفَوَاحِشَ مَا ظَهَرَ مِنْهَا وَ مَا بَطَنَۚ (سوره انعام پاره ۸ آیت (۱۵۱) لہذا زید نسبندی کرانے کی وجہ سے فعل حرام کا مرتکب ہوا توبہ کرے پھر بعد تو بہ حج کر سکتا ہے کہ نسبندی مانع حج نہیں ہے حدیث شریف میں ہے التائب من الذنب كمن لا ذنب له والله تعالى اعلم

الجواب صحیح: محمد نظام الدین رضوی برکاتی

الجواب صحیح: محمد ابرار احمد امجدی برکاتی

كتبه : محمد احمد مصباحی قادری

۲ صفر المظفر المباركہ ۱۴۲۸ھ