سنّی فتویٰ
SUNNI FATWA
THEME
🌿 سبز (روشن)
🌿 سبز (تاریک)
🕋 مکی
🕌 مدنی
🔵 قادری
⚪ چشتی
🟤 رضوی
مکرمی و محترمی مفتی صاحب قبلہ السلام علیکم ورحمۃ اللہ و برکاتہ
کیا فرماتے ہیں علمائے دین و مفتیان شرع متین مندرجہ ذیل کے مسائل کے متعلق :
(1) کیا مسجد کی امامت امام کا موروثی حق ہے؟
(۲) کیا امام کو اس کا موروثی حق سمجھ کر اس کو امامت پر رہنے دیا جائے جب کہ وہ مستند عالم نہ ہو؟
(۳) ایک موروثی امام ہے جو نہ حافظ ہے نہ قاری ہے اور نہ کسی مستند مدرسہ سے فارغ التحصیل ہے اور اس کے مقابلہ میں دوسرا شخص حافظ ہے اور قاری بھی عالم ہے اور خطیب بھی، دونوں اماموں میں سے مسجد کی امامت کے لیے کس کو ترجیح دی جائے؟
الجواب بعون الملك الوهـــاب
(۱) مسجد کی امامت کوئی موروثی جائداد نہیں کہ نسلاً بعد نسلٍ منتقل ہو بلکہ امامت کا مستحق وہ جو اس کا اہل ہو۔
(۳،۲) اگر دونوں امام میں سے کوئی ایک متعین نہیں ہوئے ہیں تو آخر الذکر امام اولی ہیں اور اگر اول الذکر امام عالم نہیں مگر قرآن پاک ما یجوز به الصلوٰة ادا کر لیتے ہیں اور مسائلِ طہارت و نماز سے واقفیت بھی رکھتے ہیں اور متعین امام ہیں تو وہی مستحق امامت ہیں ۔ در مختار میں ہے: ”إوإمَامُ المَسْجِدِ الرَّاتِبِ أوْلَى من غيرِه“ (الدر المختار شرح تنوير الأبصار وجامع البحار – علاء الدين الحصكفي، ص: 77، کتاب الصلاة، باب الامامة، دار الکتب العلمیة، بیروت) تنخواہ دار امام کے ہوتے ہوئے کوئی دوسرا امام آجائے جو اس سے افضل ہے پھر بھی امامت کا زیادہ حق دار مقر ر امام ہی ہے۔
والله اعلم باالصواب و رسوله صلى الله عليه وسلم
⚠️ نوٹ: شیئر کارڈ میں اردو کے علاوہ دوسری زبان میں تصویر صحیح نہیں آتی، براہِ کرم پی ڈی ایف ڈاؤن لوڈ کیجئے۔
