خیانت کرنے اور جعلی رسید بنا کر چندہ کرنے والے کی امامت کا حکم

الجواب بعون الملك الوهـــــــــــــاب

امام مذکور کی خیانت اگر عام ہو چکی ہے تو اس کے لیے صرف زبانی لوگوں سے معافی مانگ لینا کافی نہیں بلکہ اس کے لیے ضروری ہے کہ خیانت کی ہوئی رقم واپس کرے اور آئندہ خیانت کرنے سے تو بہ کرے مسلمانوں میں نا اتفاقی پیدا کرنا حرام اور گناہ کبیرہ ہے اسی طرح بدمذہبوں سے میل جول اور اس کی تقریر کرانا حرام اشد حرام ہے۔ قرآن پاک کا ارشاد ہے :  فَلَا تَقْعُدْ بَعْدَ الذِّكْرٰى مَعَ الْقَوْمِ الظّٰلِمِیْنَ (الانعام : 68) معلوم ہو جانے کے بعد ظالم قوم کے پاس نہ بیٹھ۔ حدیث میں ہے: ایاکم و ایاهم لایضلونکم ولا یفتنونکم  (صحیح مسلم ،جلد1،ص12،داراحیاء التراث العربی ،بیروت) ان سے دور رہو ان کو اپنے سے دور رکھو ایسا نہ ہو وہ تمہیں گمراہ کر دیں وہ تمہیں فتنے میں ڈال دیں۔ بہر حال امام مذکور اپنی ناشائستہ حرکتوں کی وجہ سے فاسق معلن ٹھہرے۔ جب تک خیانت کی ہوئی رقم واپس نہ کریں یا صاحب رقم سے معاف نہ کرائیں اور ان تمام مذموم حرکتوں سے تو بہ نہ کریں ان سے میل جول رکھنا نا جائز اور ان کے پیچھے نماز مکروہ تحریمی ہوگی ۔ اور ان کو امام بنانا گناہ ۔

والله اعلم باالصواب و رسوله صلى الله عليه وسلم

کتبہ: محمد عبد الحلیم رضوی اشرفی

جامعہ عربیہ اسلامیہ ناگپور، ۲۱ جمادی الاولیٰ ۱۳۹۲ھ