نامرد کی امامت کا حکم

محترم مفتی صاحب ! السلام علیکم ورحمۃ اللہ وبرکاتہ برائے مہربانی نیچے لکھی ہوئی باتوں کا مفصل جواب دینے کی تکلیف گوارہ کریں۔

(۱) کیا نامرد امام کے پیچھے نماز پڑھنا جائز ہے یا اس میں کسی قسم کی کمی ہوتی ہے؟ جب کہ مقتدی کو پہلے سے علم ہو کہ امام نامرد ہے۔

 (۲) کیا گاؤں کا تعلیم یافتہ طبقہ اس بات کے لیے ضد کر سکتا ہے کہ یا تو امام صاحب ڈاکٹری معائنہ کے لیے تیار ہوں یا اپنی ذمہ داری اور کسی کے سپرد کر دیں اگر اس کے ٹھوس ثبوت ہوں تو عوام تک یہ بات پہنچائی جائے یا نہیں؟

(۳) اکثر لوگ اس مسجد میں جانے سے گریز کرتے ہیں اور کہتے ہیں کہ عہدے داران مسجد کمیٹی اس بات کو جاننے کے با وجود امام صاحب کو علیحدہ نہیں کرتے اس وجہ سے وہ بھی گناہ گار ہیں، تو کیا عہدے دار اس وجہ سے استعفاء دے سکتا ہے؟

(۴) جب بھی نماز کے لیے جاتے ہیں امام صاحب کو دیکھنے کے بعد اس چیز کا خیال آتا ہے اور ہچکچاہٹ محسوس ہوتی ہے، تو کیا دوسری مسجد میں جا کر نماز ادا کریں؟ براہ کرم جلد سے جلد جواب دینے کی تکلیف گوارہ کریں عین نوازش ہوگی ۔