ایک مدرسہ کے متعلق مسئلہ

کیا فرماتے ہیں علمائے دین و مفتیان شرع متین اس مسئلہ میں :

(۱) ہمارے گاؤں میں قریب ۲۰ ؍ گھر سے زیادہ مسلمانوں کی آبادی ہے، یہاں کی مسلم جماعت نے ایک مدرسہ عربیہ مذہبی تعلیم کے لیے کھولا ہے اور اس کے بعد مدرسہ میں جمعہ بھی قائم کر دیا گیا اور اب قریب ایک سال سے زیادہ کا عرصہ ہو رہا ہے، اللہ کے فضل وکرم سے یہاں مدرسہ میں جمعہ کے علاوہ پانچوں وقتوں کی نماز اور اذان و جمعہ بھی پابندی سے ادا ہو رہے ہیں، جہاں مدرسہ میں ہم لوگ جمعہ اور نماز وغیرہ پڑھتے ہیں وہ مکان کسی اور صاحب کا ہے اور اب ہم لوگ اللہ کے فضل و کرم سے اپنے ان تمام مذہبی ارکان جو مدرسہ میں ادا کرتے تھے دوسرا مکان خریدنے کی بات چیت ہو چکی ہے۔ اور قریب ان شاء اللہ چند دنوں کے بعد دوسرا مکان ہمیں مل جائے گا اور جہاں مدرسہ ہے جہاں نماز و جمعہ ادا ہوتی رہی ہے اب وہ مکان چھوڑ کر نئے والے مکان میں نماز و جمعہ ہوا کرے گی۔

اب سوال یہ ہے کہ کیا ہم لوگوں نے جہاں ایک سال سے زیادہ اذان ، نماز جمعہ ادا کیا ہے اس مکان کو چھوڑ کر نئے مکان میں اذان، نماز جمعہ قائم کر سکتے ہیں یا نہیں؟ پرانا مدرسہ جہاں ہم نمازیں ادا کرتے تھے وہ مکان اور جگہ شریعت کی نگاہ میں کیا درجہ رکھتی ہے؟ اور ہمیں نئے دوسرے مکان میں جمعہ قائم کرنے کی شریعت اجازت دیتی ہے یا نہیں؟ برائے مہربانی شریعت کے حوالے سے جواب عطا فر ما ئیں عین نوازش ہوگی ۔

(۲) شریعت کی نگاہ میں سنیما دیکھنا اور تجارت کی نیت سے سنیما، ٹاکیز کھول کر سنیما دکھلا نا جائز ہے یا نہیں؟ اور سنیما کی آمدنی سے ملنے والی رقم کی شریعت کی نگاہ میں کیا حقیقت ہوگی، جائز ہوگی یا ناجائز؟ برائے کرم و مہر بانی جلد سے جلد جواب عنایت فرمائیں عین نوازش ہوگی ؟

(۳) قبرستان میں قبر پر یا قبر کے پاس اگر بتی جلانا کیسا ہے؟ شریعت اجازت دیتی ہے یا نہیں؟ اگر نہیں دیتی ہے تو برائے کرم سمجھاتے ہوئے جواب دیں۔