قرآن کے بوسیدہ اوراق دفنائے جائیں گے

الجواب بعون الملك الوهـــاب

قرآن مجید اگر ایسا بوسیدہ ہو جائے کہ پڑھنے کے کام نہ آئے تو کفنا کر لحد کھود کر دفن کر دیا جائے جہاں پاؤں پڑنے کا احتمال نہ ہو۔ در مختار میں ہے: ” الْمُصْحَفُ إذَا صَارَ بِحَالٍ لَا يُقْرَأُ فِيهِ يُدْفَنُ كَالْمُسْلِمِ “(الدر المختار شرح تنوير الأبصار وجامع البحار – علاء الدين الحصكفي (ت ١٠٨٨ هـ)،كتاب الطهارة، ص 30، دار الكتب العلمية - بيروت) قرآن جب اس حال میں ہو جائے کہ اس میں نہ پڑھا جا سکے تو اسے دفن کر دیا جائے، جیسا کہ مسلمانوں کو دفن کیا جاتا ہے۔ ردالمحتار میں ہے: (قَوْلُهُ: يُدْفَنُ) أَيْ يُجْعَلُ فِي خِرْقَةٍ طَاهِرَةٍ وَيُدْفَنُ فِي مَحَلٍّ غَيْرِ مُمْتَهَنٍ لَا يُوطَأُ. (رد المحتار – الحلبي – ابن عابدين [ت ١٢٥٢ هـ]، كتاب الطهارة، ج 1، ص 177، مطبعة مصطفى البابي الحلبي) قرآن پاک کے اوراق کو گندی جگہ ڈالنا حرام سخت حرام ہے۔

والله اعلم باالصواب و رسوله صلى الله عليه وسلم