مہر شرعی کی مقدار کم از کم کتنی ہے؟

مہر شرعی کم از کم دس درہم ہے اور ایک درہم شرعی تین ماشہ ایک رتی اور ایک رتی کا پانچواں حصہ چاندی ہے۔ اس اعتبار سے دس درہم شرعی دو تولہ سات ماشہ چار رتی چاندی ہوئی ۔ سکہ رائج الوقت سے اتنی چاندی کی قیمت لگائی جائے کم از کم مہر کی مقدار وہی ہوگی ، اگر اس سے کم مہر مقرر کیا گیا تو نکاح ہو جائے گا مگر پورے دس درہم یا اس کی قیمت دینا واجب ہوگا۔ قدوری میں ہے "فإن سمى أقل من عشرة فلها العشرة"  (مختصر القدوري، ج 1، ص 147)۔

والله اعلم باالصواب و رسوله صلى الله عليه وسلم
کتبہ: محمد عبد الحلیم رضوی اشرفی 
جامعہ عربیہ اسلامیہ ناگپور