سنّی فتویٰ
SUNNI FATWA
THEME
🌿 سبز (روشن)
🌿 سبز (تاریک)
🕋 مکی
🕌 مدنی
🔵 قادری
⚪ چشتی
🟤 رضوی
محترم و مکرم قبلہ مفتی صاحب دامت برکاتہم العالیہ سلام مسنون
(1) شجرہ اپنے مرید کو پیر کیوں دیتے ہیں؟
(2) شجرہ کی وجہ تسمیہ کیا ہے، کب سے جاری ہوا؟
(3) وظائف وغیرہ مرید کو پڑھنے کے لیے کیوں دیے جاتے ہیں؟
پوری کیفیت با لتفصیل تحریر فرما کر مشکور فرمائیں، پورا کارڈ ہی تفصیل کے لیے وقف ہے۔ حضور اس سید پر کرم فرما کر ہر سہ سوالات کا جواب مکمل وفور عطا فرمائیں ۔ سوال نوٹ کر لیا ہوں آپ صرف جواب والا کارڈ علیحدہ کر کے بھیج دینا فقیر سمجھ لے گا، بے روز گار ہوں، حضور دعا فرمائیں کہ میں روزگار سے لگ جاؤں ۔ فقط
(1) تاکہ اپنے سلسلے کے بزرگوں کے نام یادرکھے، ان کے وسیلے سے دعا مانگے اور خدا کا تقرب حاصل کرے۔
(2) شجرہ کا لغوی معنی پھیلاؤ اور درخت کے ہیں۔ جس طرح درخت کا پھیلاؤ اور اس کی بہت سی شاخیں ہوتی ہیں اسی طرح بزرگان دین کے یکے بعد دیگرے مختلف سلسلے ہوتے ہیں ، اسی مناسبت سے اس کو شجرہ کہا جاتا ہے۔ اجازت و خلافت کا سلسلہ حضور سرکار دو عالم صلی اللہ علیہ وسلم سے ایجاد ہوا۔ لیکن جب بزرگان دین کے اسمائے گرامی کی تعداد زیادہ ہونے لگی تو اجازت و خلافت کی شکل میں منتقل ہو گئی تا کہ سلسلہ درمیان سے منقطع نہ ہو اور ضبط ممکن ہو۔
(3) تا کہ صفائی قلب حاصل ہوا اور طلب کی راہ آسان ہو جائے ۔ فقط
والله اعلم باالصواب و رسوله صلى الله عليه وسلم
کتبہ: محمد عبد الحلیم رضوی اشرفی
جامعہ عربیہ اسلامیہ ناگپور
⚠️ نوٹ: شیئر کارڈ میں اردو کے علاوہ دوسری زبان میں تصویر صحیح نہیں آتی، براہِ کرم پی ڈی ایف ڈاؤن لوڈ کیجئے۔
