تجدیدِ ایمان و نکاح کی صورت میں تجدید نکاح کو ضروری نہ ماننا فسق ہے

بکر ایک مسجد کا امام ہے اور وہاں کا مہتم زید مذکور ہے بکر اعلیٰ حضرت کا مرید ہے۔ بکر کے پیر بھائیوں یعنی اعلیٰ حضرت کے دیگر مریدین نے بکر سے کہا کہ زید کی وجہ سے تم بھی الجھے ہو  لہذا برہان الحق جبل پوری سے یا اپنے پیر اعلیٰ حضرت قبلہ سے فیصلہ کروالو لیکن بکر اس کے لیے تیار نہیں ہے۔ اس کا کہنا ہے کہ اگر میں کچھ قدم اٹھاؤں گا تو زید مجھے امامت سے نکال دے گا۔ میری روزی خطرے میں پڑ جائے گی۔ بکر اعلیٰ حضرت کے فتوی کے بعد بھی زید کو مسلمان مانتا ہے اور زید کے نماز پڑھنے اور پیر بنانے و بوسہ و تعظیم و تکریم کو صیح و جائز مانتا ہے اور بکر پر خود بھی تو ہین قرآن کو مذاق ماننے کے جرم میں کفر عائد ہے۔ جس میں بریلی شریف سے تو بہ، کلمہ،  تجدید نکاح کا حکم آیا تھا اس میں سے بکر نے تو بہ اور کلمہ کا اقرار تو کیا ہے مگر تجدید نکاح کو ضروری نہیں سمجھتا۔ لوگوں نے بار بار یہ زورد یا کہ مفتی صاحب جبل پور یا اعلیٰ حضرت بریلی یعنی اپنے پیر صاحب کی بارگاہ میں حاضر ہو کر پوچھ لو وہ جیسا کہیں مان لو اور زید کے متعلق بھی جو حکم ہو اس پر عمل کرو۔ لیکن بکر روزی روٹی کے ڈر سے شرعی فیصلوں کی پرواہ نہیں کرتا۔ لہذا حضور بتائیں کہ زید مذکور کو مسلمان مان کر اور اس کی امامت اور تعظیم و تکریم کو جائز ماننے والے اور خود پر عائد فتوے میں تو بہ کلمہ پر عمل کر کے تجدید نکاح نہ کرنے والے بکر کی امامت نا جائز ہے یا نہیں؟ اور بکر، زید مذکور سے قطع تعلق کرنا ضروری ہے یا نہیں؟ اگر شرعی فیصلہ ٹھکراتے ہوئے زید یا بکر کی امامت میں نمازیں پڑھی گئیں تو واجب الاعادہ ہوگی یا نہیں ؟ شرعی حکم فرما کر مشکور فرمائیں ۔ بینوا وتوجروا