طلاق میں اضافت کا بیان

کیا فرماتے ہیں علمائے کرام اس مسئلے میں :

ایک شخص نے کچھ رو پیہ  اپنی قمیض کی جیب میں رکھ کر اپنے گھر میں رکھ دیا، کچھ دیر بعد واپس آنے پر قمیص میں روپیہ نہ ملنے کے سبب اس کی تحقیق کی،  گھر کے سبھی افراد سے دریافت کیا کسی نے نہ بتایا۔ اس نے اپنی بیوی سے بھی روپیوں کے بارے میں تحقیق کی ۔ شوہر کے پوچھنے پر بیوی بہت ناراض ہوئی اور کہا کہ یہ مجھے چور سمجھتا ہے اور مجھ پر اعتبار نہیں کرتا ہے ، غرض کہ بہت الٹی سیدھی باتیں کیں اس پر شوہر کو غصہ آگیا اور اس نے اپنی بیوی کو تین بار طلاق طلاق طلاق کہہ کر بیوی کو طلاق دے دی ۔ کرم فرما کر مطلع فرمائیں کہ کیا طلاق ہو گی ؟ اگر ہوگی تو کس قسم کی ہوگی؟