سنّی فتویٰ
SUNNI FATWA
THEME
🌿 سبز (روشن)
🌿 سبز (تاریک)
🕋 مکی
🕌 مدنی
🔵 قادری
⚪ چشتی
🟤 رضوی
قبلہ مکرمی جناب مفتی صاحب السلام علیکم
گزارش خدمت یہ ہے کہ نیچے لکھے ہوئے سوالات کے جوابات چاہتا ہوں ۔ مہربانی فرما کر جواب دینے کی کوشش کیجیے گا۔
(۱) پیش امام مسجد وہ باہر لوگوں کے بلانے پر جاتا ہے ان کے گھروں کی عورتوں کو تعویز گنڈے کرتا ہے اور جن وغیرہ اُتارنے کے لیے پھونکتا بھی ہے اور روپیہ بھی لیتا ہے۔ ایسی صورت میں ان کے پیچھے نماز جائز ہے یا نہیں؟
(۲) پیش امام کی تنخواہ اگر کم ہو تو ایسی صورت میں وہ دعا تعویذ کے پیسے لے سکتا ہے یا نہیں؟
(۳) جو امام پاجامہ ٹخنوں سے نیچے تک رکھتا ہو ان کے پیچھے نماز جائز ہے یا نہیں؟
(۴) خطبہ سے پہلے جب کہ وقت قریب ہو اس وقت امام کسی شخص کی شکایت غصہ کی حالت میں روز چیخ چیخ کر عوام کے سامنے پیش کر سکتا ہے کہ نہیں؟ جب کہ ان کی شکایت کمیٹی سن سکتی ہے۔
(۵) خطبہ سے پہلے امام غصے میں اگر کسی شخص کو برا بھلا کہے اور دوبارہ بغیر وضو بنائے نماز جمعہ پڑھائے ایسی صورت نماز ہوئی یا نہیں ؟ فقط
الجواب بعون الملك الوهـــاب
(۱) اگر پردے کے ساتھ جھاڑ پھونک کرتا ہو تو اس کے پیچھے نماز جائز ہے۔ پڑھنے میں حرج نہیں۔
(۲) تعویذ کے پیسے لینا جائز ہے، مگر بچنا بہتر ۔ البتہ مسجد کے حجرے میں تعویذ کی اُجرت جائز نہیں۔ عالمگیری میں ہے: ”اَلْفِنَاءُ تَبَعُ الْمَسْجِدِ فَيَكُونُ حُكْمُهُ حُكْمَ الْمَسْجِدِ “ (الفتاوى الهندية – محمد أورنك عالم كير، ج 2، ص 462، کتاب الوقف )
(۳) اگر براہ تکبر پہنتا ہے تو نماز مکروہ ہوگی ، اور پہنے والا گنہگار ہوگا۔ اور اگر کسی مجبوری سے ہے تو حرج نہیں ، ہاں اوپر کو کھونسنا مکروہ تحریمی ہے۔
(۴) کسی مسلمان کی شکایت کرنی بالخصوص مسجد میں ہرگز جائز نہیں۔
(۵) غصہ سے وضو نہیں ٹوٹتا، البتہ دوبارہ وضو بنانا مستحب ہے۔ لہذا دوبارہ وضو کیے بغیر نماز پڑھائی تو ہوگئی لیکن کسی مسلمان کو بلا وجہ شرعی برا بھلا کہنا ممنوع ہے۔ امام کو چاہیے کہ تو بہ کرے اور جس کو برا کہا اس سے معافی مانگے ۔
والله اعلم باالصواب و رسوله صلى الله عليه وسلم
⚠️ نوٹ: شیئر کارڈ میں اردو کے علاوہ دوسری زبان میں تصویر صحیح نہیں آتی، براہِ کرم پی ڈی ایف ڈاؤن لوڈ کیجئے۔
