موئے زیر ناف کو چونا ہڑتا وغیرہ سے صاف کر سکتے ہیں

موئے زیرِ ناف وغیرہ جہاں کے بال دور کر سکتے ہیں، ایسے مقام کے بال ہڑتال، چونا یا صابن سے اڑا سکتے ہیں۔ ⁽¹⁾

 'عالمگیری' میں ہے: ”وَلَوْ عَالَجَ بِالنُّورَةِ فِي الْعَانَةِ يَجُوزُ، كَذَا فِي الْغَرَائِبِ“والله تعالیٰ اعلم

ترجمہ: اور اگر کسی نے زیرِ ناف بال نورہ / چونا وغیرہ لگا کر صاف کیے تو یہ جائز ہے، ایسا ہی 'غرائب' میں ہے۔  (مترجم مولانا طارق مدنی بنارسی)

(1) ↩موئے زیرِ ناف کو مونڈا جائے، یا کترا جائے، یا ہڑتال، چونا، صابن، نورہ وغیرہ لگا کر صاف کیا جائے، سب صورتیں جائز ہیں۔ مقصود اس جگہ کی نظافت (صفائی) ہے۔ مگر مردوں کے لیے مونڈنا افضل ہے۔ ​امام نووی ”خَمْسٌ مِنَ الْفِطْرَةِ“ والی حدیث کے تحت فرماتے ہیں: ”الْأَفْضَلُ فِيهِ الْحَلْقُ، وَيَجُوزُ بِالْقَصِّ وَالنَّتْفِ وَالنُّورَةِ“ (شرح مسلم، باب خصال الفطرة، ج: 1، ص: 120) ترجمہ: اس (زیرِ ناف بالوں کی صفائی) میں افضل مونڈنا ہے، اور کترنا، اکھاڑنا اور نورہ/چونا لگانا بھی جائز ہے۔ ​'عالمگیری' میں ہے: ”الْأَفْضَلُ أَنْ يَنْتِفَ الْإِبْطَ وَيَحْلِقَ عَانَتَهُ“ ترجمہ: افضل یہ ہے کہ بغل کے بال اکھاڑے جائیں اور زیرِ ناف بال مونڈے جائیں۔ ​اور عورتوں کے لیے قولِ اسلم یہ ہے کہ نوجوان عورت کے لیے نَتْف (اکھاڑنا) اور عمر رسیدہ عورت کے لیے حَلْق (مونڈنا) افضل ہے۔ ​واللہ تعالیٰ اعلم  (از: مفتی اٰلِ مصطفیٰ مصباحی علیہ الرحمہ)