عیدگاہ کو مع نشان اور ڈھول لے جانا

باجے منع ہیں اور نشانی کے لئے نشان میں حرج نہیں جمادی الاخرہ ۱۸ میں بلاول بندر جونا گڑھ کا ٹھیاوار سے اس کا سوال آیا تھا جس کا مفصل جواب ہمارے فتاوے میں موجود ہے جو اسی زمانے میں بمبئی سے شائع بھی ہو چکا مگر ایک امر ضروری قابل لحاظ ہے کہ یہ نفس علم کا حکم ہے جہاں اس سے کوئی مخدور شرعی پیدا ہوتا ہو مثلاً جن بلاد میں محرم کے علم رائج ہیں عوام اسے ان سے سمجھیں اور اس سے ان کے جواز پر استدلال کریں۔اور فرق سمجھا نے کی ضرورت پڑے وہاں اس سے احتراز کیا جائے کہ کوئی امر ضروری نہیں اور احتمال فتنہ و فساد عقیدہ ہے نہ ہر ایک کو سمجھا سکیں گے نہ ہر ایک سمجھانے سے سمجھے گا تو ایسی بات سے احتراز مناسب ۔ حدیث میں ہے:  اياك وما يعتذر منه اس بات سے بچ جس میں معذرت کرنی پڑے ۔(١)  رواه الحاكم والبيهقي عن سعد بن ابي وقاص والضياء عن انس رضى الله تعالى عنهما بسند حسن و في الباب عن جابرو عن ابن عمرو عن ابي ايوب رضى الله تعالى عنهم والله تعالى اعلم

(۱)یہ حدیث حاکم و بیہقی نے سعد بن ابی وقاص اور ضیا نے بسند حسن انس سے روایت کی اور اس باب میں جابر بن عبد اللہ بن عمر و ابو ایوب انصاری سے حدیثیں ہیں رضی اللہ عنہم اجمعین -