عورت حیض یا نفاس کی حالت میں سعی کر سکتی ہے یا نہیں؟

الجواب بعون الملك الوهاب

عورت کا حیض یا نفاس کی حالت میں ہونا سعی کرنے سے مانع نہیں ،کیوں کہ سعی کرنے کے لیے طہارت واجب نہیں ، سنت ہے ۔ لہذا صورت مسئولہ میں عورت اس حالت میں سعی کر سکتی ہے اور اس پر کوئی کفارہ لازم نہیں ہوگا۔

بدائع صنائع ج: ۲ ص: ۳۱۹ میں ہے:وَأَمَّا الطَّهَارَةُ عَنْ الْجَنَابَةِ، وَالْحَيْضِ فَلَيْسَتْ بِشَرْطٍ فَيَجُوزُ سَعْيُ الْجُنُبِ، وَالْحَائِضِ

جنابت اور حیض سے پاک ہونا سعی کے جواز کی شرط نہیں۔ لہذ اجنبی اور حائضہ کا سعی کرنا جائز ہے۔

الفقه على المذاہب الاربعة ج:۱، ص : ۵۹۵ میں ہے:فيصح سعى الحائض والنفساءكراهة للعذر.عذر کی وجہ سے حائضہ اور نفساء  کا سعی کرنا بلا کراہت صحیح ہے۔

اسی میں ہے:قد ترك السنة وليس عليه جزائ.حالت جنابت میں سعی کرنا اگرچہ جائز ہے مگر یہ خلاف سنت ہے، اور ترک سنت کی صورت میں کوئی کفارہ نہیں۔ واللہ اعلم بالصواب