قرض کی ادائیگی سے پہلے حج پر جانے اور وعدہ خلافی کا شرعی حکم

الجواب بعون الملك الوهاب

حج کے فرائض و واجبات اور اس کی صحت ادا کے شرائط کی رو سے اس شخص کا حج ادا ہو گیا۔ رہا مقبول ہونا تو ہم ظاہر میں اس کی شرطوں کے پائے جانے پر امید ہی رکھ سکتے ہیں۔  صحیح علم اللہ تعالیٰ اور اس کی عطا سے اس کے رسول صلی اللہ علیہ وسلم کو ہے۔ زید نے بلا عذر وعدہ خلافی کی ہو تو گنہگار ہے۔ اس پر لازم ہے جلد از جلد قرض ادا کر کے بری الذمہ ہو۔

قرآن پاک کا ارشاد ہے: وَ اَوْفُوْا بِالْعَهْدِۚ-اِنَّ الْعَهْدَ كَانَ مَسْـٴُـوْلًا (۳۴)

اور عہد پورا کرو، بے شک عہد سے سوال ہونا ہے۔ [بنی اسرائیل : ۳۴]

تفسیر کبیر؛ ج : ۲۰ ص: ۱۴۶ میں ہے:

 كل عقد جرى بين انسانين فانه يجب عليه الوفاء بمقتضى ذلك العقد والعهد.

دو آدمیوں کے درمیان جو عقد ہوا،  اسے عقد و عہد کے مطابق پورا کرنا واجب ہے۔

 واللہ تعالی اعلم