سعودی عرب میں عید الفطر کرنے والے پر حج کا حکم

الجواب بعون الملك الوهاب

صورتِ مسئولہ میں شخص مذکور نے عمرہ کر لیا اور مکہ یا مذکورہ شہروں میں رہ کر  اشہر حج کو پا لیا ہے اور وہ حج کرنے پر قادر بھی ہے تو اس پر حج فرض ہے۔

اللہ تعالیٰ کا ارشاد ہے: اَلْحَجُّ اَشْهُرٌ مَّعْلُوْمٰتٌۚ                          

حج چند معلوم مہینے ہیں۔(پارہ؛۲،البقرۃ  ۱۹۷)

 فتاویٰ عالم گیری ج:۱، ص: ۲۸۰ میں ہے:

الاشهر المعلومات: شوال، وذى القعدة، و عشرة ذي الحج.

 مخصوص مہینے یہ ہیں: شوال، ذی القعدہ اور ذی الحجہ کے دس دن ۔ 

نیز اللہ تعالیٰ کا ارشاد ہے: وَ  لِلّٰهِ  عَلَى  النَّاسِ   حِجُّ  الْبَیْتِ  مَنِ  اسْتَطَاعَ  اِلَیْهِ  سَبِیْلًاؕ

اور استطاعت والوں پر اللہ کے لیے اس گھر کا حج کرنا ہے۔ (پ4، اٰلِ عمران:97)

ردالمحتار ج ۳  : ص : ۴۰۳ میں ہے:

منها الاستطاعة أي: القدرة في اشهرالحج

حج فرض کی ایک شرط ،حج کے مہینوں میں  حج کرنے پر قادر ہونا ہے۔

و اللہ تعالیٰ علم