حج فرض کے لیے والدین کی اجازت کی حاجت نہیں

زید پر حج فرض ہو چکا ہے تو اس پر فرض ہے کہ تنہا بلا تاخیر پہلی فرصت میں حج کے لیے جائے۔ اس صورت میں ماں سے اجازت لینے کی بھی حاجت نہیں۔ عوام میں یہ غلط مشہور ہے کہ ” جب تک ماں باپ حج نہ کر لیں اولاد کو حج کرنا جائز نہیں ، یا جب تک ماں باپ اجازت نہ دیں اولاد کو حج کرنا جائز نہیں۔ حج فرض کے لیے ماں باپ کی اجازت کی کوئی حاجت نہیں۔ ہاں حج نفل اور عمرہ ماں ، باپ کی اجازت کے بغیر جائز نہیں، جائے گا تو گناہ گار ہوگا۔ واللہ تعالی اعلم