شیرینی گھر میں فاتحہ کریں،امام باڑہ یا تعزیہ کے پاس لے جانا، جائز نہیں ہے۔مصنوعی کربلا بنانا،وہاں جانا،ناجائز ہے

(۱) تعزیہ بنانا، ناجائز ہے، قبہ بنائیں یانہ بنائیں ۔ واللہ تعالی اعلم

(۲) یہ سب ناجائز و حرام ہیں۔ واللہ تعالی اعلم

(۳) شربت، مالیده، شیرینی وغیرہ جس پر بھی فاتحہ دلانی ہو، گھر ہی میں دلائے ۔ امام باڑہ یا تعزیہ کے پاس نہ لے جائے۔ وہاں لے جانا، ناجائز ہے۔ اس لیے کہ وہاں لے جاکر فاتحہ دلانے میں امام باڑے اور تعزیے کی عظمت ظاہر ہوگی جب کہ یہ دونوں چیزیں حرام ہیں۔ واللہ تعالی اعلم

(۴) مصنوعی کربلا میں جانا اور وہاں جانور ذبح کرنا حرام و گناہ ہے کہ اس سے بھی اس مصنوعی کربلا کی عظمت ظاہر ہوتی ہے، جب کہ مصنوعی بنانا ہی حرام ہے۔ واضح ہو کہ عوام مصنوعی کربلا میں جاکر جو جانور ذبح کرتے ہیں ہیں وہ اللہ کے نام پر ذبح کرتے ہیں ،بسم اللہ اللہ اکبر پڑھ کر ذبح کرتے ہیں، البتہ ان کی نیت ہوتی ہے امام حسین رضی اللہ عنہ کے لیے ایصال ثواب کی۔ اس لیے یہ کہنا کہ حضرت امام حسین رضی اللہ عنہ کے نام جانور ذبح کرتے ہیں ، غلط ہے مسلمانوں پر افترا ہے۔ واللہ تعالی اعلم

(۵) تعزیہ کے پاس یا تعزیہ کے جلوس میں ناجائز و حرام ہے۔ وہاں سے کہیں اور جائز و مستحسن، باعث ثواب ہے ، اگر چہ محرم کے ایام میں ہو۔ واللہ تعالی اعلم

(٦) ڈھول، تاشے ، باجے ہر جگہ حرام و گناہ ہیں، خواہ محرم میں بجائیں، یا شادی میں، یا عرس میں، یا کہیں اور ۔ شادی میں بغیر جھانجھ کے دف بجانا جائز ہے۔ بلکہ حدیث میں ہے ، رسول اللہ ﷺ نے فرمایا: اعلنوا هذا النكاح واضربوا عليه بالدفوف .(مشكوة المصابيح، ص: ۲۷۲ ، باب اعلان النكاح عن عائشة قالت : قال رسول الله صلى الله عليه وسلم أعلموا هذا النكاح واجعلوه في المساجد واضربوا عليه بالدفوف، مجلس البركات، اشرفيه.) والله تعالى اعلم

(۷) چوں کہ وہابی کھڑے ہو کر صلوۃ و سلام پڑھنے کو حرام اور شرک کہتے ہیں۔ اب اگر کوئی بیٹھ کر پڑھے گا، تو اس کے بارے میں لوگوں کو شبہ ہو گا کہ یہ وہابی ہے۔ اس لیے بیٹھ کر ہر گز نہ پڑھے ، کھڑے ہو کر پڑھے ۔ سوال یہ ہے کہ کھڑے ہو کر پڑھنے میں حرج کیا ہے کہ بیٹھ کر پڑھ رہا ہے ؟ اس کا سبب یہی ہو سکتا ہے کہ وہ کھڑے ہو کر پڑھنے کو نا جائز و حرام جانتا ہے اور یہ گمراہی ہے، کسی جائز و مستحسن فعل کو حرام کہنے والا گمراہ ہے۔ واللہ تعالی اعلم