محرم الحرام سے متعلق کچھ من گھڑت باتیں اور ان کا ازالہ

(1) محرم کے مہینے میں سات تاریخ کو مٹی کوڑنا، آٹھ اور نو تاریخ کو تعزیہ بناکر ڈنکا بجانا، دسویں تاریخ کو مٹی کو بطور جنازہ دفن کرنا، اسلام کی رو سے کیا ہے ؟ کیا اسلام اس کی اجازت دیتا ہے ؟

(2) کچھ لوگوں کا کہنا ہے کہ ایک بار تعزیے کا جلوس جا رہا تھا تو غازی پور کے مولانا محمد فصیح صاحب نے تعزیے کو امام محمد حسین کا جنازہ سمجھ کر کاندھا لگایا تھا۔ اس کی وضاحت کریں۔

(3) کچھ لوگوں کا کہنا ہے کہ تعزیہ بنانے، اٹھانے ، ڈنکا بجانے سے ان کی روزی میں برکت ہوتی ہے۔ کیا یہ برکت تعزیہ داری سے ہی ہوتی ہے یا خدا کی مرضی سے ؟ اور اگر وہ تعزیہ داری نہ کرتے تو برکت نہ ہوتی ؟

(4) کچھ لوگ تعزیہ بناتے تھے، مٹی کوڑتے تھے۔ اور اب ان کا انتقال ہو گیا ہے۔ تعزیہ نہیں اٹھتا۔ ان میں سے کچھ کی مالی حالت خراب ہو گئی ہے۔ کیا ان کی مالی حالت تعزیہ داری بند کرنے کی وجہ سے خراب ہوئی ہے ، یا خدا کی مرضی سے؟

(5) کچھ لوگوں کا کہنا ہے کہ تعزیہ داری بند کر دینے سے امام حسن اور امام حسین کا نام لینے والا دنیا میں کوئی نہیں رہے گا، ان کا نام دنیا سے مٹ جائے گا۔ کیا  سچ مچ تعزیہ داری بند کر دینے سے ان کا نام دنیا سے مٹ جائے گا ؟ کیا ان کا نام لینے والا کوئی دنیا میں نہیں رہے گا؟ تفصیل سے بیان کریں۔

(6) جس مہینے میں محمد رسول اللہ ﷺ کے نواسے امام حسین پر مصیبت آئی تھی، خاندان کے سب مردمارے گئے تھے ، چھ مہینے کے علی اصغر پیاس کی حالت میں تیر کے نشانے بنے، عورتوں کی بے حرمتی ہوئی۔

اس مہینے میں خوشی منانے، بطور جنازہ تعزیہ بنانے پر محمد ﷺکے دل پر کیا گزرتی ہوگی ۔ کیا وہ تعزیہ داری کرنے والوں سے خوش ہوتے ہوں گے ، یا بد دعا دیتے ہوں گے ؟ وضاحت فرمائیں۔

(7) کیا عرب میں محرم میں مٹی کھودی جاتی ہے ؟ تعزیہ داری ہوتی ہے ؟ کیا مٹی امام حسن حسین کا جنازہ کہہ کر دفن کی جاتی ہے ؟

بدر الدین انصاری، مقام و پوسٹ : مدھا، وایا: ساگر پالی ، بلیا

۲۵/ ذو الحجہ ۱۴۰۳ھ