بغیر غسل طواف کرنے کا حکم اور حج پر اس کا اثر

اگر اس شخص کو یقین تھا کہ یہ تری منی ہے تو اتفاقاً اور اگر شک تھا تو بھی امامِ اعظم وامامِ محمد کے نزدیک اس پر غسل واجب تھا۔ جب اس نے بے غسل کئے طواف فرض کیا، اس پر اس کا اعادہ لازم ہے۔ اگر نہ جائے اور بدنہ بھیج دے، اونٹ یا گائے، تو اس سے بھی بری الذمہ ہو جائے گا، بد نہ بھیج دینا کافی ہوگا، مگر خود جا کر اعادہ افضل ہے۔

 عالمگیری میں ہے: إِنْ رَأَى بَلَلًا إلَّا أَنَّهُ لَمْ يَتَذَكَّرْ الِاحْتِلَامَ فَإِنْ تَيَقَّنَ أَنَّهُ وَدْيٌ لَا يَجِبُ الْغُسْلُ وَإِنْ تَيَقَّنَ أَنَّهُ مَنِيٌّ يَجِبُ الْغُسْلُ وَإِنْ تَيَقَّنَ أَنَّهُ مَذْيٌ لَا يَجِبُ الْغُسْلُ وَإِنْ شَكَّ أَنَّهُ مَنِيٌّ أَوْ مَذْيٌ قَالَ أَبُو يُوسُفَ رَحِمَهُ الله تَعَالَى: لَا يَجِبُ الْغُسْلُ حَتَّى يَتَيَقَّنَ بِالِاحْتِلَامِ، وَقَالَ: يَجِبُ.هَكَذَا ذَكَرَهُ شَيْخُ الْإِسْلَامِ۔ (الفتاوى العالمكيرية = الفتاوى الهندية – محمد أورنك عالم كير (١ ‏/ ١٥)

نیند سے بے دار ہونے کے بعد تری دیکھی لیکن احتلام ہونا یاد نہیں، اگر اسے یقین ہے کہ یہ تری و دی ہے، اس پر غسل واجب نہیں، اور اگر یہ یقین ہے کہ یہ تری منی ہے تو غسل واجب ہے، اور اگر یہ یقین ہے کہ یہ مذی ہے، غسل واجب نہ ہوگا۔ منی یا مذی ہونے میں شک ہے، امام ابو یوسف رحمۃ اللہ علیہ فرماتے ہیں غسل واجب نہ ہوگا، یہاں تک کہ احتلام ہونے کا یقین ہو، اور فرمایا : واجب ہے، ایسا ہی شیخ الاسلام نے فرمایا ہے۔ ( مترجم )

اسی میں ہے: وَلَوْ رَجَعَ إلَى أَهْلِهِ وَقَدْ طَافَ جُنُبًا يَجِبُ أَنْ يَعُودَ، وَيَعُودُ بِإِحْرَامٍ جَدِيدٍ، وَإِنْ لَمْ يَعُدْ وَبَعَثَ بَدَنَةً أَجْزَأَهُ إلَّا أَنَّ الْعَوْدَ هُوَ الْأَفْضَلُ۔ (الفتاوى العالمكيرية = الفتاوى الهندية – محمد أورنك عالم كير (١ ‏/ ٢٤٦)  والله تعالى أعلم

اگر اپنے اہل کے پاس آگیا جب کہ حالتِ جنابت میں طواف فرض کر چکا تھا تو اس پر اعادہ لازم ہے نئے احرام کے ساتھ ، اگر نہ جائے اور بد نہ بھیج دے یعنی اونٹ یا گائے تو اس سے بھی بری الذمہ ہو جائے گا اور بد نہ بھیج دینا کافی ہوگا، مگر خود جا کر اعادہ افضل ہے۔